Heinrich Steinlin
| Dialäkt: Baseldütsch |
Dr Ridder Heinrich Steinlin isch dr erst Bürgermäister vo Baasel gsi.
Lääbe und Amt
[ändere | Quälltäxt bearbeite]Dr Steinlin isch vo Murbe khoo und het z Blotze Bsitz gha. Er het s gliiche Wabbe wie d Riich gfüert. Er isch e Ministerial gsi und het e baar Joorzäänt z Baasel gläbt,[1] bevor er im Joor 1253 under em Bischof Berthold vo Pfirt as dr ersti Bürgermäister vo dr Stadt erwäänt wird.[2] Öb er wie d die spöötere Bürgermäister vom ene Waalkollegium gweelt worde isch,[3] wäiss mä nid.
Dr Bürgermäister het sich in dr Macht mit eme Vogt däilt, wo bis zur Iifüerig vom Amt vom Bürgermäister dr äinzig Representant vo dr Stadt und Vorsitzend vo de consules gsi isch. Dr Vogt isch sit em Aafang vom 13. Joorhundert us dr Baasler Ridderschaft khoo, wo alli Wasalle vom Baasler Fürstbischof gsi si. Bis in d 1260er Joor het sich e Gwaltedrennig uusebildet: In Grichtsurkunde kunnt vilmol nume dr Vogt vor, wääred in administrative Aagläägehäite dr Bürgermäister s Sääge gha het, bis schliesslig im Vogt sini Vollmachte uf d Grichtsbarkäit beschränggt gsi si.[1][4]
Fuessnoote
[ändere | Quälltäxt bearbeite]- ↑ 1,0 1,1 Wackernagel: Geschichte der Stadt Basel, Band 1 S. 5, [1]
- ↑ J. J. Merian: Geschichte der Bischöfe von Basel, Band 2, Schweighauser, 1862, S. 27
- ↑ Allgemeine Encyklopädie der Wissenschaften und Künste, F. A. Brockhaus, 1821, S. 13
- ↑ Andreas Heusler: Verfassungsgeschichte der Stadt Basel im Mittelalter, 1860, S. 154