Heinrich Reese

Dä Artikel behandlet dr dütsch-schwizerischi Archidekt und Baasler Politiker Heinrich Reese. Für anderi Persone mit däm Naame lueg doo.

Dialäkt: Baseldütsch

Dr Hans Heinrich Wilhelm Reese (* 7. Oktober 1843 z Kiel; † 26. April 1919 z Baasel) isch e dütsche und vo 1882 aa e Schwizer Archidekt und bardeiloose Politiker gsi.

Dr Reese het e Leer zum Zimmermaa gmacht, isch denn uf d Baugwärkschuele z Holzminde, Braunschweig und Lüneburg gange, het lengeri Räise gmacht und sich schliesslig 1865 am Polytechnikum Karlsrue iigschriibe. Vo 1866 bis 1870 het er bim Theodor Geiger z Züüri gschafft und denn bin ere Generalundernäämig z Wien, won er Blään für die Ungarischi Westbaan gmacht het und für e e Wiener Justizbalast.

1874 isch dr Reese Stellverdräter vom kantonale Bauinspäkter z Baasel worde und im Joor druf het er dr Boste vom Bauinspäkter übernoo. 1882 isch er Baasler Bürger worde. Vo 1882 bis 1894 isch dr Reese baselstedtische Kantonsbaumäister gsi. Vo 1894 bis 1907 isch er bardeiloose Regierigsroot vom Kanton Baasel-Stadt und Vorsteher vom Baudepartemänt gsi. Im Amtsjoor 1900/1901 isch er Regierigsrootsbresidänt worde.

Vo 1880 aa het dr Reese d Baasler Stadterwiterig brägt und e Hufe öffentligi Geböid brojektiert, under anderem zää Schuelhüüser, d Erwiterig vom Baasler Grichtsgeböid, d Usserenowazion vom Münster, dr Umbau vom Roothuus und d Iirichdig vom Staatsarchiv.

1877 het er d Victoria Karolina Pernaux ghürootet.

Litratuur

Robert Schiess: Reese, (Hans) Heinrich (Wilhelm). In: Isabelle Rucki, Dorothee Huber (Hrsg): Architektenlexikon der Schweiz – 19./20. Jahrhundert. Birkhäuser, Basel 1998, ISBN 3-7643-5261-2, S. 438 f.

Weblinks

Franz Wirth: Reese, Heinrich. In: Historisches Lexikon vo dr Schwiiz.

Dä Artikel basiert uff ere fräie Übersetzig vum Artikel „Heinrich_Reese_(Architekt)“ vu de dütsche Wikipedia. E Liste vu de Autore un Versione isch do z finde.