Huusröötel

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Huusröötel
PhoenicurusOchrurosGuntherHasler01.jpg Huusröötel (Phoenicurus ochruros gibraltariensis)
Systematik
Ordnig: Spatzevögel (Passeriformes)
Underordnig: Singvögel (Passeri)
Familie: Flüügeschnäpper (Muscicapidae)
Underfamilie: Schmätzer (Saxicolinae)
Gattig: Röötel (Phoenicurus)
Art: Huusröötel
Wüsseschaftlige Name
Phoenicurus ochruros
(S. G. Gmelin, 1774)

De Huusröötel (Phoenicurus ochruros; alemanischi Näme) isch e Zugvogel wo i Mitteleuropa brüetet und Endi Oktober as Mittelmeer flüügt und im Märze wider zruggcheert. I de Alpe chunnts bis 3200 m ü.M. vor. Er gliicht starch em verwandte Garteröötel.

Uussie[ändere | Quälltäxt bearbeite]

De Huusröötel isch e graue Vogel mit bruune Flögel und eme lange röötsche Schwanz. Au de Börzel isch röötlich. De Schnabel isch chlii. Er werd 13 bis 15 cm grooss, het e Spannwiiti vo 23 bis 26 cm und wögt 14 bis 19 Gramm.

Lebeswiis[ändere | Quälltäxt bearbeite]

De Huusröötel isch uursprüngli e typische Bergvogel gsii, wo i de Felse glebt het, hütt aber au i vegetationsarme Sidlige, Betonwüestine und i Industriizoone vorchunnt. Neste tuet er i Muurlöcher und Nische, under loose Tachziegle, Rolladechäste, Fenstersims, aber au in Nischdkäschte.[1] Sis Nest baut er us Hälm, Mies, Federe und Hoor. De Gugger lait gern sini Aier i d Nester vom Huusröötel. De Huusröötel isch e schnelle und wendige Flüüger und fresst Insekte und Spinne.

De Huusröötel singt uf exponierte Stele, wie Tächer, Chämi oder Antene. De Gsang fangt mit ere chorze Tonsequenz aa und endet miteme längere chesslige Grüüsch. Er isch ann vo de früeste Vögel, wo im Morge afoot singe.

Büecher[ändere | Quälltäxt bearbeite]

  • Heinz Staffelbach: Handbuch Schweizer Alpen; Bern 2008.ISBN 978-3-258-06895-4
  • Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7
  • Jochen Hölzinger: Die Vögel Baden-Württembergs. Band 3/1, Singvögel/Sperlingsvögel, Eugen Ulmer Verlag; Stuttgart 1999, ISBN 3-8001-3493-4
  • Urs N. Glutz von Blotzheim, K. M. Bauer: Handbuch der Vögel Mitteleuropas (HBV). Band 11/I, Schmätzer und Verwandte: Erithacinae, AULA-Verlag, ISBN 3-923527-00-4

Weblink[ändere | Quälltäxt bearbeite]

 Commons: Hausrotschwanz – Album mit Multimediadateie
  • Phoenicurus ochruros in dr Rote Lischt vu dr gfehrdete Arten vu dr IUCN 2008. Yygstellt vu: BirdLife International, 2008. Abgruefe am 26. Oktober 2008

Fuessnoote[ändere | Quälltäxt bearbeite]

  1. Nistkasten und Nisthilfe für Halb-Höhlenbrüter uf mitwelt.org