S Huus «Zum Delfin»

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

47.5553777777787.5931055555556Koordinaten: 47° 33′ 19″ N, 7° 35′ 35″ O; CH1903: 611628 / 267196

S Huus Zum Delfin
Dialäkt: Baseldütsch
D Iigangsdüüre

S Huus «Zum Delfin» isch e klassizistischs Stadthuus an dr Riddergass 10 am Egge zur Böimligass in dr Altstadt vo Baasel.

Es isch e Baasler Kulturguet, wo für d Regioon vo Bedütig isch.

Gschicht[ändere | Quälltäxt bearbeite]

S Huus «zum Delphin» isch 1760 vom Archidekt Samuel Werenfels für e Kaufmaa und Groossroot Johann Anton Huber-Ehinger (1736-1765) baut worde. S Huus het spööter em Christoph Merian-Hofmann (1769-1849) ghöört, wo in dr Stadt as «dr riich Meriaa» bekannt gsi isch. 1861 het dr Johann Jakob Stehlin dr Jünger e Flüügel mit eme Stall und ere Remise aabaut.

S herrschaftlige Huus isch sümmetrisch baut, het drei Stöck, isch hüte wiss aagmoolt und d Simse und Huusegge si us Sandstäi. Über dr Husdüüre und de Fänster in de oobere Stöck het s an de Stürz Rocaille-Kartusche und vor de schlichte Fänster im Bardeer verzierti Iisegitter. Uf em Dach si Mansarde.

Sit 1937 isch s Erbschaftsamt vo Baasel-Stadt dinne.

Weblingg[ändere | Quälltäxt bearbeite]

 Commons: Huus «Zum Delfin» – Sammlig vo Multimediadateie