Hassan Saghir
| Hassan Saghir | ||
| Personalia | ||
|---|---|---|
| Wänn uf d Wält choo | 15. Hornung 1980 | |
| Wo uf d Wält choo | Mìlhüüsa, Frànkriich | |
| Größi | 176 cm | |
| Position | Mìttelschtìrmer | |
| Junioren | ||
| Johr | Station | |
| FC Red Star | ||
| FC Marocains | ||
| FC Pfastatt | ||
| 1996–1999 | FC Sausheim | |
| Herre | ||
| Johr | Station | Spil (Tor)1 |
| 1999–2000 | FC Ballersdorf | |
| 2000–2001 | AS Mertzen | |
| 2001–2004 | RC Dannemarie | |
| 2004–2006 | FC Mulhouse | |
| 2007–2013 | ASIM | |
| 2013–2018 | FC Ballersdorf | |
| 2018 | AS Timau Basel | |
| 2018–2019 | CS Bourtzwiller | |
| 2019–2020 | AS Huningue | |
| àb 2020 | FC Riedisheim | |
| 1 Aagää sind nur Ligaspiil. | ||
| Dialäkt: Mìlhüüserdiitsch |
Dr Hassan Saghir (* 15. Hornung 1980 z’ Mìlhüüsa, Owerelsàss) ìsch a elsassischer Füassbàllschpìeler, wo sitter 2020 àls Mìttelschtìrmer ìm Verain vu Riedsa schpìelt. Ar ìsch dàto Toorschìtzakeenig vu dr elsassischa Maischterschàft: sitter’m Ààfàng vu siinera Kàrriar ìm Joohr 1999 hàt’r mehr àss 400 Gool gschossa.
sii Laawa un Làuifbàhn
[ändere | Quälltäxt bearbeite]Ìm Hassan Saghir siina Fàmìlia schtàmmt üss dr Necha vu Khénifra, ìm Màrokko. Dr Saghir ìsch ìm Mìlhüüser Schtàdtviartel Burzwiller uffgwàcksa. Ìn d’ Schüal ìsch’r ìm Frànkriich un ìm Màrokko gànga. Wu-n-’r 15 Joohra àlt gsìì-n-ìsch, ìsch sii Vàtter gschtoorwa.
Àls Junior hàt dr Saghir z’äärscht ìm FC Red Star z’ Mìlhüüsa gschpìelt, so wia-n-ìm Màrokkàner-Verain vu Mìlhüüsa, ìm Verain vu Pfàscht, un vu 1996 bis 1999 z’ Sàuisa.[1]
Drnooh ìsch dr Saghir vu 1999 bis 2000 ìm Verain vu Ballerschdorf bii Àltkìrich gsìì, wu-n-’r ìn dr Liga D3 gschpìelt hàt. Ar ìsch z’äärscht Vertaidiger gsìì, àwwer ìsch ànna 1999 Mìttelschtìrmer worra. Ar hàt schpeeter vu 2000 bis 2001 z’ Merza gschpìelt, un vu 2001 bis 2004 z’ Dàmmerkìrch. Doo ìsch’r ìm Joohr 2001 Toorschìtzakeenig vu dr Elsassischa Maischterschàft gsìì, mìt 23 Toora. Ar ìsch àlso dr bäschta Schtìrmer vum Sunngàui worra. Ànna 2004 ìsch’r ìn dr FC Mulhouse z’ Mìlhüüsa gànga, wu-n-’r unter’m Damien Ott ìn dr Liga CFA 2 gschpìelt hàt. Doo ìsch’r ìm Joohr 2005/2006 Toorschìtzakeenig gsìì mìt 22 gschossana Gool, un dr Verain hàt ìm nachschta Joohr ìn dr Liga CFA gschpìelt.
Obwohl ìhn mehrera frànzeescha un üüsslandischa Veraina uffnamma wälla han, ìsch dr Saghir ànna 2007 ìn dr Verain ASIM z’ Ìllzig gànga, wu-n-’r bis 2013 ìn dr Liga CFA 2 gschpìelt hàt. Ìm Joohr 2013 ìsch’r z’ Ballerschdorf z’ruckkumma,[1] wu-n-’r bis 2018 blìewa-n-ìsch. Ànna 2018 hàt’r àui ìm Verain Timau Basel ìn dr Schwiiz gschpìelt. Ìm Joohr 2018/2019 hàt’r ìm Verain vu Burzwiller gschpìelt. Ìm folgenda Joohr hàt’r z’ Hììninga ìn dr 2. Regionààla Liga gschpìelt, vor äbb’r ànna 2020 uff Riedsa gànga ìsch. Doo hàt’r ìn dr 3. Regionààla Liga gschpìelt.
Dr Hassan Saghir bsìtzt d’ frànzeescha un d’ màrokkànischa Schtààtsààgheerikait. Ar schàfft àls Ìndüschtriilaiter ìn’ra Trànsportgsällschàft. Ar ìsch mìt dr Nassera Saghir verhiirotet un hàt dräi Seehn un zwai Techter.
Lìteràtüür
[ändere | Quälltäxt bearbeite]- Pierre Chatelus, Samuel Coulon, Pierre-Loic Mattler, Jérôme Gil (Üssg.): Hassan Saghir, le Mulhousien aux 400 buts. In: L’Alsace. 18. November 2021 (französisch, lalsace.fr [abgerufen am 19. November 2021]).
- Pierre Chatelus: Saghir, la quarantaine rugissante. In: L’Alsace. 15. Mai 2020 (französisch, lalsace.fr [abgerufen am 19. November 2021]).
- N.S.: Saghir, le buteur éternel. In: Dernières Nouvelles d’Alsace. 31. Oktober 2019 (französisch, dna.fr [abgerufen am 19. November 2021]).
Weblinks
[ändere | Quälltäxt bearbeite]- Dr Hassan Saghir uff FootballDatabase.eu (frànzeesch, anglisch)
- Dr Hassan Saghir uff Football-National.com (frànzeesch)
- Dr Hassan Saghir uff Transfermarkt.de (hochdiitsch, frànzeesch)
Ainzelnohwiisa
[ändere | Quälltäxt bearbeite]- ↑ 1,0 1,1 M.W.: Retour aux sources pour Hassan Saghir. In: L’Alsace. 18. Juni 2013 (französisch, lalsace.fr [abgerufen am 19. November 2021]).