Ballerschdorf

	Ballerschdorf
Verwàltung
Land	Frànkrich
Region	Grand Est
Département	Haut-Rhin (68)
Arrondissement	Altkirch
Kànton	Màsmìnschter
Kommünàlverbànd	Sud Alsace Largue
Àmtliga Nàma	Ballersdorf
Maire	Laurent Wiest (2014-2020)
Code Insee	68017
Poschtlaitzàhl	68210
Iiwohner
Iiwohner	813
Flech	10,7 km2
Bevelkerungsdicht	76,45 Iiw./km2
Làg
Koordinate	47° 37′ 24″ N, 7° 09′ 36″ E / 47.623333333333°N,7.16°EKoordinate: 47° 37′ 24″ N, 7° 09′ 36″ E / 47.623333333333°N,7.16°E
Heche	300 m
	Ballerschdorf Ballerschdorf (Frànkrich)
Website
	http://www.ballersdorf.fr

Ballerschdorf (IPA: [ˈb̥ɑlərʃd̥orf]; amtl. Ballersdorf) isch e frànzeesche Gmein ìm Arrondissement Altkirch (Kanton Màsmìnschter) ìm Owerelsàss (Haut-Rhin) mit guet 700 Inwohner.

Geographi

Dr Ort leijt an dr Stross und dr Bahnlinie vun Altkìrech uf Dammerkìrech uf halwem Wàg zwische Beffert (Belfort) und Milhüüsa im Tal vum Rösbach.

Gschicht

Ballerschdorf wird s'erscht Mol anno 823 als Balderisdorff in ere Urkunde erwähnt, wo aber in ihrer Echtheit umstritte isch. Anno 1188 wird no e Johannes von Badricort erwähnt und 1215 schliesslich e Jordanus von Baerdstorff.

Im 14. Johrhundert isch dr Ort habsburgisch worre.

Anno 1375 sin Ballerschdorf und s unmittelbar denewe befindlich Mettedorf Opfer vume Grossbrand und zwische 1441 und 1576 fählt no jedi Erwähnung vum Ort Mettedorf. Z'Mettedorf bestoht hit e Kìrech üs dr erschte Hälft vum 18. Jhdt., wo awer zum Teil wesetlich älteri Bäusubstanz enthaltet.

Anno 1648 isch Ballerschdorf noch em Weschtfälische Friide mit em Sundgau an Frankriich gfalle.

Zwische 1813 und 1815 het Ballerschdorf derart unter dr Abgabe fer d'Finanzierung vun dr franzeesche Armee z'liide gha, dass es sich bi dr Noochberorte het verschulde miesse. Später het d'Gmeind unter dr drei Kriege zwische Frankrich un Ditschland z'lide gha. Vun 1871 bìs 1918 hàt d Gmein zem ditsche Richslànd Elsàss-Lothringe ghert. Wie am Afang vu 1943 e Dutzend Ballerschdorfer Männer versuecht hän, dr zwangswise Rekrutierung fer die ditsch Wehrmacht z'entgo, het mer si ufgriffe un drei vunene verschosse (Massaker vun Ballerschdorf). Am 26. November 1944 isch dr Ort no befreit worde.

Verwàltung

Dr Maire vun Ballerschdorf ìsch dr Laurent Wiest. Ballerschdorf ghert zem Kommünàlverbànd Sud Alsace Largue.

Wirtschaft un Infrastruktür

Ursprünglich isch dr Ort e rein landwirtschaftlich prägti Gmeind gsi. Hit verfiegt Ballerschdorf iwer e Wirtschaft un e Reihe vun Kleibetriwe (Autowerkstatt, Fernsehreparatüre, Kunschtschrinerei, u. a.)