Hasli

Us der alemannische Wikipedia, der freie Dialäkt-Enzyklopedy
Hasli

Hasli (Leuciscus leuciscus)

Systematik
Überordnig: Ostariophysi
Ordnig: Charpfenartigi (Cypriniformes)
Familie: Charpfefisch (Cyprinidae)
Underfamilie: Leuciscinae
Gattig: Leuciscus
Art: Hasli
Wüsseschaftlige Name
Leuciscus leuciscus
Linnaeus, 1758

S Hasli (Leuciscus leuciscus; alemanischi Näme) isch e aapassigsfääige Süesswasserfisch.

Uussie[ändere | Quälltäxt bearbeite]

S Hasli isch e dünne längliche Fisch, wo 20 bis 25 cm lang werd. S het e wiissliche Körper und d Flosse sind e bitzeli dorsichtig.

Verbraitig[ändere | Quälltäxt bearbeite]

Hasli chömed i Mitteleuropa, uf de Britische Insle, z Skandinavie, in Osteuropa und z Sibirie vor. I de Alpe stiigts bis 700 müM ufe. S mag schnelli Flüüssgwässer miteme chiisige oder stainige Grund und schwümmt au i Seeje ine.

Lebeswiis[ändere | Quälltäxt bearbeite]

S Hasli isch e Schwarmfisch und e guete Schwümmer, wo grad under de Wasseroberflächi schwümmt und usem Wasser gumpet um Insekte z foo. Denebet fressts au chliini Wirbelloosi. Im Winter bildet Hasli groossi Schwärm..

D Laichzitt goot vom Märze bis in Mai binere Wassertemperatur vo 7 bis 9 Grad. Debii wanderet Hasli wiiti Streckene und suechet chiisigi und stainigi Stele uuf, wo guet dörfluetet sind. Wiibli leget denn 2'000 bis 20'000 Aier, wo a de Stai ufem Grund chlebe bliibet. D Laarfe und di junge Hasli lebet i Uufernööchi. Hasli wered im dritte Joor gschlechtsriif und chönd 10 Joor alt were.

Büecher[ändere | Quälltäxt bearbeite]

  • Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7
  • Otfried Wüstemann, Bernd Kammerad: Der Hasel. Westarp Wissenschaften, Magdeburg 1995, ISBN 3-89432-447-3.

Weblink[ändere | Quälltäxt bearbeite]

  • Leuciscus leuciscus in dr Rote Lischt vu dr gfehrdete Arten vu dr IUCN 2013.2. Yygstellt vu: Freyhof, J., 2011. Abgruefe am 18. Mai 2014