Hartmut Hutch Hensle
Dr Hartmut Hutch Hensle isch e dytsche Pianischt un Sänger, wu au uf Alemannisch singt.
Lääbe[ändere | Quälltäxt bearbeite]
Dr Hensle het sy musikalischi Uusbildig mit verschidene Privatlehrer*ne aagfange, unter anderem het er vu 1985 bis 1988 z Lohr Klavierunterricht bim Chris Weller ghaa un Gsangsunterricht z Mahlberg bi dr Burnetta Day-Mould. Derno het er an zwai johr lang an dr Jazz- un Rockschuel z Fryburg studiert un het dert unter anderem Gsangsunterricht bi dr Devianah Daudsah ghaa.
Är het in verschidene Band un Gruppe gspiilt, unter anderem Keyboard in dr Charlsruer Rockband Modulazione un bim Bo Katzmann (Basel), oder mit ere aigene Dytschrockband Hutch (1993 bis 1997). Är isch au Laiter, Arrangeur un Sänger vu dr vu dr Vokalband La Dolce Coro gsii, wu zwische 2015 un 2019 ufdrätten isch. Är het iber 30 Johr lang Solo-Ufdritt un mit verschidene Chinschtler*ne un Sänger*ne vu Siddytschland un us dr Schwyz ghaa, insgsamt iber 1000 Ufdritt, bis er si 2019 vu dr Bihni zruggzoge het.
Dernäbe git er Klavier- un Gsangsunterricht im Beraich Pop, Jazz, Boogie, Filmmusik, Rock, Latin bis Klassik/Neo-Klassik un het vu 2019 bis 2021 mit em PopVoice [Atelier] e Singalong un Chorprojäkt z Härwelze un z Lohr aabote.
Är het e Tonstudio, wun er Tonufnahme, CD-Produkzione, Kumpeszione un professionälli Arrangement aabietet.
Anne 2008 her er d CD „Vun drusse noch drinne“ uusegee, wun er aigeni Lieder uf Alemannisch druf gsunge het.
Dr Hensle läbt z Härwelze.