Hartmann vo Andlau

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Hartmann vo Andlau (* um 1450; † zwüsche 1517 und 1524) isch e Baasler Politiker gsi.

Dr Hartmann vo Andlau isch as Soon vom Petermann vo Andlau, eme Aadlige us eme ursprünglig elsässische Gschlächt uf d Wält choo. Noch dr Schlacht bi Murte 1476 isch er zum Ritter gschlaage worde. Vo 1488 bis 1495 und vo 1497 bis 1499 isch er Bürgermäister z Baasel gsi. 1497 si är und dr Leonhard Grieb as d Baasler Gsandte zum Riichsdaag uf Worms gschiggt worde, und 1498 mit em Hans Imer vo Gilgeberg uf e Riichsdaag z Freiburg im Brisgau. Noch em Friide z Baasel 1499 isch er as Bürgermäister zruggdrätte. Vo denn aa isch er as dr äinzig Aadlig Mitgliid vom Chläine Root gsi, het aber kä entschäidende Iifluss uf die stedtischi Politik me ghaa.

Dr Hartmann isch mit dr Ursula Riich vo Riichestäi verhürootet gsi. Si häi zwäi Buebe gha, äine isch dr Johann Heinrich gsi, wo mit dr Margareta Rot vo Rosebärg verhürootet gsi und 1515 gstorbe isch, und e Mäitli, d Richardis († 1510), wo dr Sebastian Nikolas Zorn vo Bulach ghürootet und mit em e Bueb, dr Sebastian, gha het.

Weblingg[ändere | Quälltäxt bearbeite]

Information icon.svg Dä Artikel basiert uff ere fräie Übersetzig vum Artikel „Hartmann_von_Andlau“ vu de dütsche Wikipedia.

E Liste vu de Autore un Versione isch do z finde.