Hans Gerny

Dr Hans Gerny (* 26. Juni 1937 z Oute; † 19. Jänner 2021 z Bärn) isch vu 1986 bis 2001 chrischtkadolische Bischof vu dr Schwyz gsii.

Lääbe

Dr Hans Gerny isch noch em Theologiestudium an dr Chrischtkadolisch-theologische Fakultet vu dr Universitet Bärn Vikar z Möhlin an dr St.-Leodegar-Chilche un derno Bfaarer z Wegenstetten-Hellikon-Zuzgen (1962–1971), z Baden-Brugg (1962–1965) un z Basel an dr Predigerchilche (1971–1986) gsii. Am 9. Juni 1986 isch er z Biel zum Bischof gwehlt wore un het am 26. Oktober 1986 in dr Stadtchilche St. Martin z Oute dur dr Erzbischof vu Utrecht Antonius Jan Glazemaker d Bischofswei empfange. Anne 2001 het er en Ehredokter vu dr Chrischtli-Theologische Akademy vu Warschau iberchuu. Dr Gerny isch bis zue sym Dod Mitglid im Zäntraluusschuss vum Ekumenische Rot vu dr Chilche gsii.

In syre Amtszyt isch d Frauenordination in dr Chrischtkadolische Chilche vu dr Schwyz gsii. Sy Aalige isch gsii, die Frog in dr Chilche vu dr Utrechter Union z dischpetiere zum e Chilchespaltig z verhindere.

Schrifte

• Predigt auf dem Marktplatz! Hirtenbriefe 1987–2001. Christkatholischer Schriftenverlag, Basel 2001, ISBN 3-9522331-0-2.

Weblink

• Unser ehemaliger Pfarrer, Bischof em. Hans Gerny, ist verstorben, Websyte vu dr Chrischtkadolische Chilchgmai Baasel-Stadt, 21. Jänner 2021
• Bischof emeritus Dr. theol. h.c. Hans Gerny verstorben, kath.ch, 21. Jänner 2021

Vorgänger	Amt	Nachfolger
Léon Gauthier	Chrischtkadolische Bischof vu dr Schwyz 1986–2001	Fritz-René Müller

Dä Artikel basiert uff ere fräie Übersetzig vu dere Version vum Artikel „Hans_Gerny“ vu de dütsche Wikipedia. E Liste vu de Autore un Versione isch do z finde.