Guy Herbulot
| Dialäkt: Mìlhüüserdiitsch |
Dr Guy Alexis Herbulot (* 7. März 1925 z’ Saint-Menges, Ardenna-Département; † 1. Àuigscht 2021 z’ Athis-Mont, Département Essonne) ìsch a frànzeescher reemisch-kàthoolischer Gaischtliger gsìì. Vu 1978 bis 2000 ìsch’r Bischoof vun Évry-Corbeil-Essonnes gsìì. Vorhar ìsch’r zwìscha 1974 un 1978 Wäihbischoof vu Reims gsìì.
si Laawa
[ändere | Quälltäxt bearbeite]Dr Guy Herbulot ìsch ànna 1925 z’ Saint-Menges, bi Sedan, uf d’ Walt kumma. Àm Seminàri vu Reims hàt’rFilosofii un kàtholischa Gotteslehr gschtudiart – z’äärscht àm Klaina Seminàri, un dernoo àb 1944 àm Groossa Seminàr.[1] Wo-n-’r 25 Joora àlt gsìì ìsch, ìsch’r àm 29. Juni 1950 zem Priaschter gwäijt worra, ìm Mìnschter vu Reims, fìr dr Arzbìschtumm Reims.[2]
Dr Herbulot ìsch z’äärscht Pfàrrvikàr gsìì z’ Torcy, ema Schtàdtviartel vu Sedan ìn da Ardenna. Ànna 1952 ìsch’r Lehrer worra àm Klaina Seminàri vu Reims. Dernoo ìsch’r Kàplan gsìì bi dr Kàthoolischa Àkzioon z’ Reims, so wia Veràntwortlig’r fìrs Warkzäntrum (s’ Centre des Œuvres). Àb 1972 ìsch dr Herbulot Generàlvikàr gsìì vum Arzbìschtumm Reims, un Koordinàtor vu dr Seelsorga ìn dr Schtàdt Reims.[2][3]
Àm 20. Jüni 1974 hàt ìhn dr Pàpscht Pooli VI. ärnännt àls Titülàrbischoof vun Obbi un àls Wäihbischoof vu Reims. D’ Bischoofswäih hàt dr Herbulot àm 8. Septamber 1974 vum Arzbischoof vu Reims Jacques Ménager ämpfànga, ìm Mìnschter vu Reims; doo drbi sìn d’ Mìtkonsekràtoora dr Georges Béjot, ehamooliger Wäihbischoof vu Reims, und dr Pierre Louis Leclerc, ehamooliger Bischoof vu Ségou, gsìì. Àls Wäihbischoof hàt dr Herbulot si Sìtz z’ Charleville-Mézières ghàà. Si Wàhlschpruch ìsch „Préparez les chemins du Seigneur“ gsìì („Jeewa d’ Waager vum Härr“, Joh 1,23 EU).
Àm 12. Mai 1978 hàt ìhn dr Pooli VI. àls Bischoof vu Corbeil ärnännt. Wo-n-’r Bischoof vu Corbeil gsìì ìsch, hàt dr Guy Herbulot s’ Mìnschter vun Évry loo bàuia, wo ma-n-ànna 1996 iigwäijt hàt. ’S ìsch s’ ainziga Mìnschter gsìì, wo ma-n-ìm 20. Joorhundert ìm Frànkrìch bàuia hàt. Ànna 1997 hàt dr Bischoof Herbulot ìm Mìnschter dr Hans-Pooli II. ämpfànga, wänn dr Pàpscht ìns Frànkrich kumma ìsch fìr dr Waltjuugendstààg z’ Pàris. D’rzüa ìsch dr Herbulot Mìtglìed gsìì vu dr Üssschuss fìr d’ Àrwaiter vu dr Frànzeescha Bischoofskumferanz.[3] Wo-n-’r 75 Joora àlt gsìì ìsch, hàt dr Herbulot si àltersbedìngter Rucktrìtt vorgschtällt, wo dr Pàpscht Hans-Pooli II. àm 15. Àwril 2000 ààgnumma hàt.[4]
Àm 1. Àuigscht 2021 ìsch dr Guy Herbulot ìm Àltershaim Saint-Jean-Baptiste z’ Athis-Mons]gschtoorwa, ìm Àlter vu 96 Joora.[2] Beardigt worra ìsch’r àm 6. Àuigscht 2021 ìn dr Bischoofskruft vum Mìnschter vun Évry. Ar ìsch dr zwaita Bischoof gsìì, wo ma doo beardigt hàt.[1]
sina veräffentligta Wark
[ändere | Quälltäxt bearbeite]- Guy Herbulot, Jean-François Courtille, Gérald M. Omnès: L’espérance au risque d’un diocèse. Desclée de Brouwer, Pàriis 2003, ISBN 978-2-220-05418-6.
- Bâtisseurs d’Église : une aventure humaine et spirituelle. Éd. du Cerf, Pàriis 2011, ISBN 978-2-204-08968-5.
- Le courage de l’avenir : une vie orientée par la fraternité. Salvator, Pàriis 2018, ISBN 978-2-7067-1673-7.
Weblinks
[ändere | Quälltäxt bearbeite]
Commons: Guy Herbulot – Sammlig vo Multimediadateie- Yytrag zue Guy Herbulot uf catholic-hierarchy.org (englisch)
- Yydrag zue Guy Herbulot uf gcatholic.org (englisch)
Ainzelnohwiisa
[ändere | Quälltäxt bearbeite]- ↑ 1,0 1,1 Corinne Lange: Évêque d’Évry, l’Ardennais Guy Herbulot est décédé. In: L’Ardennais. 3. August 2021, abgruefen am 4. August 2021 (französisch).
- ↑ 2,0 2,1 2,2 Décès de Mgr Guy Herbulot, évêque émérite d’Évry-Corbeil-Essonnes. Frànzeescha Bischoofskumferanz, 3. August 2021, abgruefen am 4. August 2021 (französisch).
- ↑ 3,0 3,1 Décès de Mgr Herbulot, "l’évêque bâtisseur" de la cathédrale d'Évry. In: Vatican News. 3. August 2021, abgruefen am 4. August 2021 (französisch).
- ↑ Rinunce e nomine, 15.04.2000: Rinuncia del Vescovo di Evry-Corbeil-Essonnes (Francia) e nomina del successore. In: Tàgliger Berìcht. Prassa-Àmt vum Hailiga Schtüahl, 15. April 2000, abgruefen am 4. August 2021 (italiänisch).