Grundnaarigsmiddel
As Grundnaarigsmiddel wärde die Naarigsmiddel bezäichnet, wo in ere gwüsse Kultur dr Mängi nooch s mäischte vo däm usmache, wo d Mönsche ässe.
was derzue ghört
[ändere | Quälltäxt bearbeite]Die Sache stelle d Grundversorgig mit Choolehüdrat, Äiwiss und Fett sicher, aber versorge äim nid umbedingt mit gnueg Vitamin und Spurenelimänt.
Zu de wichdigste Grundnaarigsmiddel uf dr Wält ghööre Geträid wie Wäize oder Riis, Spiicherwurzle (Chnolle, Rhizom) wie Härdöpfel oder Yams, Hülsefrücht wie Linse und Boone und Frücht wie Dattle und Fiige, bzw. Brodukt, wo us ene härgstellt wärde wie Brei und Brot.
Zu de Grundnaarigsmiddel zelt mä au Fisch, Fleisch, Milch und Äier, wo näbe Hülsefrücht zu de Äiwisskwelle ghööre, wo am mäiste konsumiert wärde.
Weli Grundnaarigsmiddel regional konsumiert wärde, hängt stark vo kulturelle, klimatische und wirtschaftlige Faktore ab.
Hüte git s numen no e Hampfle Naarigsmiddel, wo as ächti Grundnaarigsmiddel für dr grösst Däil vo dr Wältbevölkerig aagluegt wärde.