Gresslig

Systematik

Überordnig:	Ostariophysi
Ordnig:	Charpfenartigi (Cypriniformes)
Familie:	Charpfefisch (Cyprinidae)
Underfamilie:	Gobioninae
Gattig:	Gobio
Art:	Gresslig

Wüsseschaftlige Name

Gobio gobio

Linnaeus, 1758

De Gresslig (Gobio gobio; alemanischi Näme) isch e aapassigsfääige Süesswasserfisch, wo i Schwärm lebt.

Uussie

De Gresslig isch e längliche dünne Fisch, wo 10 bis 15 cm lang werd. Er isch silbrig und het uf de Siite e düttliche underbrochne Straiffe us dunkle Tupfe. Am Muul het er zwee Baartle.

Verbraitig

De Gresslig chunnt i Mitteleuropa, England, Süüdskandinavie und im nördliche Osteuropa bis an Ural ane vor. Er lebt i klaare subere suurstoffriiche Flüüssgwässer mitere langsaame Ströömig, wo e sandige Grund hend. Er cha au i flache Stele vo Standgwässer vorchoo.

Lebeswiis

De Gresslig isch tagaktiv, im Gegesatz zor Grundle, wo mengisch mit em Gresslig verwechslet werd. Mitem Chopf geg d Ströömig suecht er de Grund noch Alge, Wasserpflanze, Schnegge und Würmer ab.

Laichzitt goot vom vom Aprile bis in Augste binere Wassertemperatur vo 13 bis 24 Grad. S Wiibli lait zwöschet 500 und 7000 Aier a klare flache Stele, wo nu wenigi Santimeeter tüüf sind und e chiisige Gund hend. D Laarfe schlüüffet noch 3 bis 20 Taag. Im zwaite Joor wered Grundle gschlechtsriiff. Si chönd 6 Joor alt were.

Büecher

Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7

Weblink

Commons: Gobio gobio – Sammlig vo Multimediadateie

Gressling uf Fishbase.org (englisch)