Grand Prix Cycliste de Montréal

Grand Prix Cycliste de Montréal
Logo
Uusdragigsland	Kanada Kanada
Uusdragigszytruum	Septämber
Ränntyp	Eidagesränne
Erschti Uflag	2010
Erschte Siiger	Flagge der Niederlanden Robert Gesink

Dr Grand Prix Cycliste de Montréal isch e kanadischs Radränne.

Des Eidagesränne isch am 12. Septämber 2010 zem erschte Mol durgfiert wore. S Ränne ghert syt 2010 zue dr UCI ProTour, ere Serie vu dr wichtigschte Radränne im Johr. Gwunne het di erscht Uusgab dr Holländer Robert Gesink. Dr Grand Prix Cycliste de Montréal isch näb em Grand Prix Cycliste de Québec s einzig Pro-Tour-Ränne uf em amerikanische Doppelkontinänt un zämme mit dr auschtralische Tour Down Under s einzig Pro-Tour-Ränne usserhalb vu Europa.

Strecki

Ähnlig wie bim Grand Prix Cycliste de Québec, wu zwee Däg dervor uusdrait wird, mien d Fahrer 189 km uf eme 12,6km lange Rundkurs duh Montréal zrucklege. Dr aaspruchsvoll Rundkurs fiert rund um d Universitet Montréal. In jedere vu dr 15 Rundine mien d Fahrer 229 Hechemeter iberwinde, wu uf drej chleini Aastig (mit bis zue 11% Gäächi) verdeilt sin.

Siigerlischt

Johr	Siiger	Zwaite	Dritte
2010	Robert Gesink	Peter Sagan	Ryder Hesjedal
2011	Rui Costa	Pierrick Fédrigo	Philippe Gilbert
2012	Lars Petter Nordhaug	Moreno Moser	Alexander Kolobnew
2013	Peter Sagan	Simone Ponzi	Ryder Hesjedal
2014	Simon Gerrans	Rui Costa	Tony Gallopin
2015	Tim Wellens	Adam Yates	Rui Costa
2016	Greg Van Avermaet	Peter Sagan	Diego Ulissi
2017	Diego Ulissi	Jesús Herrada	Tom-Jelte Slagter
2018	Michael Matthews	Sonny Colbrelli	Greg Van Avermaet
2019	Greg Van Avermaet	Diego Ulissi	Iván García Cortina
2020	abgesagt
2021	abgesagt
2022	Tadej Pogačar	Wout van Aert	Andrea Bagioli
2023	Adam Yates	Pavel Sivakov	Alex Aranburu
2024	Tadej Pogačar	Pello Bilbao	Julian Alaphilippe

Weblink

• Grand Prix Cycliste ProTour - Montréal.