Grabeskirche

Us der alemannische Wikipedia, der freie Dialäkt-Enzyklopedy
d Grabeskirche z Jerusalem

Under Grabeskirche verstoot me i erster Linie d Chirche i de Altstadt vo Jerusalem, wo noch de Überliferig a däre Stell stoot, wo Jesus krütziged und begrabe worde isch.

Grabeskirche sait me aber au z Rom zum Petersdom, wil döt drunder tradizionell s Grab vom Apostel Petrus isch.

Zaichnig: rekonstruierti ursprünglichi Form vom Gländ und de Basilika vom Konstantin z Jerusalem

Gschicht[ändere | Quälltäxt bearbeite]

I de erste Hälfti vom 4. Johrhundert hät d Helena, d Muetter vom Kaiser Konstantin, s sogenannti Heilig Land (Palästina, hüt Israel) bsuecht und noch de Spure vom Läbe vo Jesus gsuecht. A däre Stell, wo damals Golgota und s Grab vo Jesus vermuetet worde isch, hät dänn e paar Johr spöter de Kaiser Konstantin e Basilika baue loo.

Im Verlauf vo de Gschicht isch dia ursprünglich Basilika mehrmols zerstört und wider uufbaut worde. E grösseri Baufaase isch zur Zyt vo de Chrützritter, im 11. und 12. Johrhundert gsi. Mitte 16. Johrhundert isch d Grabeskirche renowiert worde und hät ires Ussehe sithär öpe bewahrt.

Grabeskirche hüt[ändere | Quälltäxt bearbeite]

Hüt wird d Grabeskirche z Jerusalem vo mehrere christliche Glaubesrichtige benutzt und es isch jedere en bestimmte Tail zuegwise. Wil sich dia verschidnige Gruppierige nöd chönd ainige, wär wövil för de Underhalt söll zale, so isch da de Grund, worum s Gebäude ime schlächte bauliche Zuestand isch.

d Stell, wo s Chrütz vo Jesus gstande söll si

S Innere[ändere | Quälltäxt bearbeite]

Als wichtigste Ort im Innere vo de Grabeskirche gilt d Kapälle, wo überem Heilig Grab baut worde isch. Im Innere vo däm Hailigtum isch, wäg de Zerstörige im Aafang vom 11. Johrhundert, nu no d Grabplatte z gseh.[1]

Vil bsuecht vo de Gläubige wird au dia Stell, wo s Chrütz vo Jesus gstande söll si. Denäbet gits no vil anderi chlinneri und grösseri Kapällene und Nischene mit Altär, wo je noch Glaubesrichtig betreut und bsuecht wärded. Under Anderem dia Staiplatte, wo de Lichnam Jesu vor de Grablegig gsalbet worden isch.

d Stell, wo s Heilig Grab verehrt wird

Weblink[ändere | Quälltäxt bearbeite]

 Commons: Grabeskirche – Sammlig vo Multimediadateie

Lueg au[ändere | Quälltäxt bearbeite]

Fuessnoote[ändere | Quälltäxt bearbeite]

  1. Das Grab von Jesus, Prof. Rainer Riesner uf jesus.ch, abgruefe am 10. Juni 2012