Glauco Villas Boas

Us der alemannische Wikipedia, der freie Dialäkt-Enzyklopedy

Dr Glauco Villas Boas (* 10. März 1957 z Jandaia do Sul, Paraná; † 12. März 2010 z Osasco, São Paulo) isch e brasilianische Cartoonist gsi.

1976 isch er noch Ribeirão Preto im Staat São Paulo zoge. Dört het er siini erste Wärk im «Diário da Manhã» veröffentligt. 1977 isch er vom Salão Internacional de Humor de Piracicaba uszeichnet worde. Im 1984i het für d «Folha de São Paulo» afo schaffe, won er d Figure vom Geraldão, de Neuras, em Doy Jorge und em Zé do Apocalipse entwigglet het. Er isch bim Sänder Rede Globo Redakteur vom humoristische Färnsehprogramm TV Pirata gsi und vom Chinderprogramm TV Colossus. Zwüsche 1987 und 1989 het er s Magazin «Geraldão» für e Circo Editorial redigiert und het für d Ziitschrifte «Chiclete com Banana» und «Circo» gschafft.

Er het an dr Santo Daime, e synkretistischi Doktrine mit katholische, animistische und schamanistische Aspäkt, glaubt und isch ein vo de Gründer vo dr animistische Chille Céu de Maria gsi.

Dr Glauco Villas Boas isch am 12 Merz 2010 z Osasco ermordet worde.