Giebel- und traufständig

Us der alemannische Wikipedia, der freie Dialäkt-Enzyklopedy
Dialäkt: Züritüütsch
Gibelständigi Hüüser am Määrtplatz vo Tübinge z Tüütschland.
Traufständigi Hüüser am Hauptmäärt vo Bautze i de Lausitz z Tüütschland.

Gibelständig und traufständig säged, wien es Huus uf d Straass oder dä Platz uusgrichtet isch, wons dra staat.

Bi gibelständige Hüüser staat de Gibel gäge d Straass zue und de Dachfirscht isch quär zur Straass. Settige Hüüser säit mer au Gibelhüüser. Das sind also Hüüser mit eme Satteldach oder eme Chrüppelwalmdach, won de Gibel a de Gebäudefront isch.

Traufständigi Hüüser sind s Gägetäil. Bi dene isch d Traufe a de Straass oder parallel zur Straass. De Firscht isch i dem Fall au parallel zur Strass.