Gianni Infantino

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
dr Gianni Infantino (2011)

Dr Giovanni Vincenzo Infantino (* 23. Merz 1970 z Brig) isch e Schwyzer Rächtsaawalt un Generalsekretär vu dr Verainigung vu europäische Fueßallverbänd (UEFA). Am 26. Februar 2016 isch dr Infantino au zum Bresidänt vum Wältfueßballverband FIFA gwehlt woren as Noofolger vum Sepp Blatter.[1]

Lääbe[ändere | Quälltäxt bearbeite]

Dr Gianni Infantino isch dr Suhn vun eme italienische Vater vu Reggio Calabria un ere Mueter vu Val Camonica in dr Lombardei.[2][3] Är isch z Brig ufgwachse, wun er in syre Juged Fueßball bim FC Folgore (speter FC Brig-Glis) in dr 5.  Liga gspiilt het.[4]

Dr Infantino het Jura studiert un derno as Rächtsaawalt gschafft.[5] Voreb er bi dr UEFA as Generalsekretär vum Internationale Zäntrum fir Sportstudien (CIES) gschafft het, isch er an dr Universitet Nöieburg Beroter vu verschidene nazionale un internazionale Fueßballgremie gsii. Ab em Augschte 2000 het er bi dr UEFA gschafft, in divärsen Ämter, dodrunter ab em Jänner 2004 d Laitig vu dr Rächts- un Klublizenzierigsabdailig. Vum 1. Februar bis Mai 2007 isch er noch em Ruggdritt vum Schwed Lars-Christer Olsson Interims-Generaldirektor vu dr UEFA gsii (sy Noofolger isch dr Schott David Taylor gsii) un isch derno zum Vize-Generalsekretär wore. Syt em 1. Oktober 2009 isch er, au as Noofolger vum David Taylor, Generalsekretär gsii. Am 26. Oktober 2015 het dr Infantino sy Kandidatur zue dr Wahl vum FIFA-Bresidänt as Noofolger vum Sepp Blatter verchindet.[6]

Dr Infantino het im erschte Wahlgang 88 Stimmen iberchuu. Im zweete Wahlgang het er schließli s Mee iberchuu mit 115 vu 207 Stimme, dodermit isch er zum FIFA-Bresidänt gwehlt gsii.

Privats[ändere | Quälltäxt bearbeite]

Dr Walliser isch ghyrote, Vater vu vier Chinder, un läbt mit syre Familie am Gämfersee. Är schwätzt Wallisertisch, Dytsch, Italienisch, Änglisch, Franzesisch, Spanisch un Arabisch un het näbe dr schwyzerischen au di italienisch Staatsburgerschaft.[7][8] Sy Frau stammt us em Libanon, wu si as stellverdrättendi Generalsekretäri bim Fueßballverband gschafft ghaa het.[9]

Weblink[ändere | Quälltäxt bearbeite]

 Commons: Gianni Infantino – Sammlig vo Multimediadateie

Fueßnote[ändere | Quälltäxt bearbeite]

  1. Gianni Infantino ist neuer Fifa-Präsident, faz.net, vom 26. Februar 2016
  2. Infantino: “Cambierò tutto”, raisport.rai.it, 26. Februar 2016
  3. Chi è Gianni Infantino, il nuovo presidente della Fifa , unita.tv, 26. Februar 2016
  4. Wer ist dieser Mann aus Brig eigentlich? in Tagesanzeiger vum 26. Februar 2016
  5. Die Versprechen der "Losfee" sind Europas einzige Antwort, diepresse.com, 20. Februar 2016
  6. UEFA rückt von Michel Platini ab Sport1.de, 26. Oktober 2015, abgruefen am 19. Jänner 2016.
  7. Wer ist dieser Mann aus Brig eigentlich? in Tagesanzeiger] vum 26. Februar 2016
  8. Gianni Infantino nuovo presidente della Fifa, sport.leonardo.it, 26. Februar 2016
  9. Fifa-Präsi-Kandidat im Interview vor der Wahl – «Ich fliege auch Economy» in: Blick vum 21. Februar 2016.
Information icon.svg Dä Artikel basiert uff ere fräie Übersetzig vu dere Version vum Artikel „Gianni_Infantino“ vu de dütsche Wikipedia. E Liste vu de Autore un Versione isch do z finde.