FIFA

Us der alemannische Wikipedia, der freie Dialäkt-Enzyklopedy
Hops zue: Navigation, Suech
S Home of FIFA, de Sitz vom Wältverband, isch z Züri-Fluentere (Chreis 7) i de Nächi vom Zoo.

D Fédération Internationale de Football Association (dytsch Internationaler Verband des Association Football), churz FIFA oder Fifa, isch dr Wältfuessballverband mit Sitz z Züri. D FIFA isch e gmeinnützige Verein im Sinn vom Artikel 60 ff. vom Schwizerische Zivilgsetzbuech und im Handelsregister ytreit.

D FIFA organisiärt Fuessballwettbewärb, drunter d Manne- und d Fraue-Fuessball-WM. Ire Präsident isch sit em 26. Februar 2016 de Gianni Infantino.

Sit de 2000er Joor isch d FIFA mee und mee in d Kritik cho. Es isch vo Korrupzioon d Reed gsi aber erst im Mai 2015 isch s zun ere Stroofverfolgig cho, wo s amerikanische Justizministerium hoochi FIFA-Funktionär het lo festnee. Am 8. Oktober 2015 het d Ethikkommission vo dr FIFA bekannt gee, ass dr FIFA-Bresidänt Sepp Blatter und au si Verdräter dr Michel Platini gspert sige. Am 21. Dezämber 2015 isch dr Sepp Blatter vom FIFA-Ethik-Komitee für acht Joor vo alle Ämter usgschlosse worde. Vili frooge sich aber, öb d FIFA d Kultur vo Korrupzioon, Vetterliwirtschaft und Bestächig, wo in dr Organisazioon hersche, chönn usrotte.

Literatur[ändere | Quälltäxt bearbeite]

  • Bruno Affentranger: Sepp - König der Fussballwelt: das System Joseph S. Blatter: seine Tricks, seine Tore, Xanthippe, Zürich 2007, ISBN 978-3-905795-01-1.
  • Christiane Eisenberg, Pierre Lanfranchi, Tony Mason, Alfred Wahl: FIFA 1904–2004: 100 Jahre Weltfußball. Die Werkstatt, Göttingen 2004, ISBN 3-89533-442-1.
  • Günther Furrer, Claudio Klages (Redaktion): Der verspielte Ball: Rückblick auf 150 Jahre Fussballgeschichte. NZZ, Zürich 2010, ISBN 978-3-03823-590-3.
  • Lord Peter Goldsmith; Mark Pieth (Hrsg.): Die FIFA-Reform. Dike, Zürich / St. Gallen / Facultas, Wien / Nomos, Baden-Baden 2014, ISBN 978-3-8487-1570-1 (Nomos) / ISBN 978-3-03751-633-1 (Dike) / ISBN 978-3-7089-1156-4 (Facultas); englische Parallel-Ausgabe: Reforming FIFA 2014, ISBN 3-8487-1571-6.
  • Andrew Jennings: FOUL! The Secret World of FIFA: Bribes, Vote-Rigging and Ticket Scandals, Harper Collins, New York, NY 2006, ISBN 0-00-720811-1.
  • Thomas Kistner: FIFA-Mafia – Die schmutzigen Geschäfte mit dem Weltfußball. Droemer, München 2012, ISBN 978-3-426-27586-3.
  • David Yallop: Wie das Spiel verlorenging. Die korrupten Geschäfte zwischen FIFA und Medien. Econ, Düsseldorf 1998, ISBN 3-430-19875-5.

Weblink[ändere | Quälltäxt bearbeite]

 Commons: FIFA – Sammlig vo Multimediadateie