George III. vo Groossbritannie

Georg III. (Vereinigtes Königreich)
	; Bordret vom Allan Ramsay, 1762
Regierigsziit	25. Oktober 1760 – 29. Januar 1820
Chrönig	22. Septämber 1761
Name	George William Frederick
Uf d Wält cho	4. Juni 1738
Geburtsort	Norfolk House, St. James's Square, London
Gstorbe	29. Januar 1820
Dodesort	Windsor Castle, Windsor, Ängland
Begrabe	St George's Chapel, Windsor Castle
Vorgänger	Georg II.
Nochfolger	Georg IV.
Verhürotet mit	Charlotte vo Meckleburg-Strelitz (ghürootet 1761, gstorbe 1818)

Dr Georg III. Wilhelm Friedrich (änglisch George William Frederick; * 24. Mai^jul./4. Juni^greg. 1738 z London; † 29. Januar 1820 in Windsor Castle) isch vo 1760 bis 1801 Köänig vo Groossbritannie und Irland gsi, denn bis zu sim Dood Köönig vom Veräinigte Köönigriich Groossbritannie und Irland. Im Häilige Römische Riich het er as Kurfürst vo Braunschweig-Lüneburg regiert, sit em Wiener Kongräss as Köönig vo Hannover (1814). Usserdäm isch er dr letscht britisch Monarch gsi, wo sich au as Köönig vo Frankriich bezäichnet het.

Dr Georg isch dr dritti britischi Monarch us em Huus Hannover gsi, aber dr ersti, wo in Groossbritannie uf d Wält cho isch und wo as Muetersprooch Änglisch gschwätzt het. Si Herrschaftszit isch lenger gsi as die vo jedem britische Monarch vor im. Under iim het Groossbritannie die franzöösische Kolonie z Kanada gwunne und die franzöösische Bsitz in Indie (1763), es het aber au e groosse Däil vo sine nordamerikanische Kolonie im Amerikanische Unabhängigkäitschrieg (1775–1783) verloore. D Koalizioonschrieg gege Frankriich si zwanzig Joor lang gange und häi 1815 mit dr Niiderlaag vom Napoleon in dr Schlacht bi Waterloo gändet. Groossbritannie het au uf de Wältmeer si Dominanz usbaut.

Die zwäiti Helfti vo sinere Herrschaft isch von ere Gäisteschrankhäit brägt gsi, wo zerst nume sporadisch ufdräte isch aber schliesslig permanänt worde isch. Hüte nimmt mä aa, ass si dur e Stoffwäggselstörig (Porfirii) verursacht worden isch. 1811 het sich si Gäisteszuestand eso verschlächteret, ass mä si eltist Soon as Brinzregönt het müesse iisetze. Dä het denn 1820 as George IV. d Droonnoochfolg aadräte.

Wäge si Lääbensstill, wo relativ beschäide gsi isch, und sinere Vorliebi für s Landlääben het dr George III. dr Spitznaame Farmer George („Buur Georg“) überchoo.

Litratuur

Stanley Ayling: George the Third. Collins, London 1972. ISBN 0-00-211412-7.
Jeremy Black: George III - America's Last King. Yale University Press, New Haven/London 2008, ISBN 978-0-300-13621-0.
John Brooke: King George III. Constable, London 1972, ISBN 0-09-456110-9.
Vincent Carretta: George III and the Satirists from Hogarth to Byron. University of Georgia Press, Athens 1990, ISBN 0-8203-1146-4.
Antonia Fraser: The Lives of the Kings and Queen of England. Weidenfeld and Nicolson, London London, ISBN 0-297-76911-1.
Christopher Hibbert: George III – A Personal History. Penguin Books, London 1998, ISBN 0-670-86941-4.
George Trevelyan: George the Third and Charles Fox: The Concluding Part of the American Revolution. Longmans, New York 1912.
J. Steven Watson: The Reign of George III, 1760–1815. Oxford University Press, London 1960.

Weblingg

Commons: Georg III. (Vereinigtes Königreich) – Sammlig vo Multimediadateie

Ardikel in dr Classic Encyclopedia uf 1911encyclopedia.org (änglisch)
Churzbordret uf dr Website vom britische Köönigshuus uf royal.gov.uk (änglisch)

Vorgänger	Amt	Nochfolger
Georg II.	Köönig vo Groossbritannie 1760–1801	zämmegfüert
Georg II.	Köönig vo Irland 1760–1801
nöie Ditel	Köönig vom Veräinigte Köönigriich 1801–1820	Georg IV.
Georg II.	Kurfürst vo Braunschweig-Lüneburg 1760–1806	ufglöst
nöie Ditel	Köönig vo Hannover 1814–1820	Georg IV.

Dä Artikel basiert uff ere fräie Übersetzig vum Artikel „Georg_III._(Vereinigtes_Königreich)“ vu de dütsche Wikipedia. E Liste vu de Autore un Versione isch do z finde.