Georg I., Köönig vo Groossbritannie

Us der alemannische Wikipedia, der freie Dialäkt-Enzyklopedy


Georg I. (Großbritannien)
Georg I.
Chrönig 20. Oktober 1714
Name George Louis (dütsch: Georg Ludwig)
Uf d Wält cho 28. Maijul./7. Junigreg. 1660
Geburtsort Hannover
Gstorbe 11. Junijul./22. Junigreg. 1727
Dodesort Schloss Osnabrück, Osnabrück
Begrabe Leineschloss, Hannover; spööter Herrehuuse, Hannover
Vorgänger as Monarch vo Groossbritannie: Anne
As Kurfürst vo Hannover: Ernest Augustus
Nochfolger as Monarch vo Groossbritannie: George II.
As Kurfürst vo Hannover: George II.
Verhürotet mit Sophia Dorothea of Celle
S Chur-Hannoversche Wabbe mit em Spruch vom Hoosebandorde „Honi soit qui mal y pense“, und em Waalspruch vo dr änglische Chroone „Dieu et mon droit

Dr Georg I. Ludwig (änglisch George Louis; * 28. Maijul./7. Junigreg. 1660 z Hannover; † 11. Junijul./22. Junigreg. 1727 z Osnabrück) isch äine vo de Herzöög vo Braunschweig und Lüneburg gsi und sit 1698 Kurfürst vo Braunschweig-Lüneburg („Kurhannover“) und Erzbannerdrääger (und spööter Erzschatzmäister) vom Häilige Römische Riich und vo 1714 aa au Köönig vo Groossbritannie und Irland und Titularköönig vo Frankriich[1].

Dr Georg Ludwig isch evangelisch-lutherisch erzooge worde, was wääsentlig gsi isch, won er uf en britisch Dron choo isch. 1714, noch em Dood vo dr Queen Anne, isch s im britische Köönigriich vor allem drum gange, ass mä e gäignete, bluetsverwandte Droonfolger wurd finde, so dass dr Aaspruch vo de römisch-katholische Stuarts nid wurd zelle.

Dr Georg Ludwig het as Köönig vo Groossbritannie e schweere Stand ghaa, wil er kuum Änglisch gschwätzt het oder het welle schwätze und Dütsch oder Franzöösisch voorzooge het. Eso isch s choo, ass sich wäärend sinere Regierigszit d Balanse vo dr Macht erheeblig vo dr Monarchii zum Parlamänt verschoobe het. Es het sich s britische Parteiesüsteem uusebildet und dr Robert Walpole isch faktisch zum erste Brömieeminister worde, wo mit eme Kabinett regiert het. Offiziell het dr Walpole dä Ditel allerdings erst 1730 under em Georg II., wo im Georg Ludwig si Noochfolger gsi isch, überchoo.

Litratuur[ändere | Quälltäxt bearbeite]

Weblingg[ändere | Quälltäxt bearbeite]

 Commons: Georg I. vo Großbritannie – Sammlig vo Multimediadateie

Wikisource Georg I. (Großbritannien) im dütschsprochige Wikisource

Fuessnoote[ändere | Quälltäxt bearbeite]

  1. D Köönig vo Groossbritannie häi dradizionell au dr Ditel vom ene Köönig vo Frankriich ghaa, so au dr Georg in sinere Köönigsproklamazioon vo 1714, Ragnhild Marie Hatton: Georg der Erste. Ein deutscher Kurfürst auf Englands Thron. S. 117.
Vorgänger Amt Nochfolger
Ernst August Kurfürst vo Braunschweig-Lüneburg
1698–1727
Georg II.
Anne Köönig vo Groossbritannie
1714–1727
Köönig vo Irland
1714–1727