Brömieeminister vom Veräinigte Köönigriich

Brömieeminister vom Veräinigte Köönigriich
Wabbe vo dr Regierig vo Iirer Majestät
Wabbe vo dr Regierig vo Iirer Majestät
Dr amtierend Brömieeminister Keir Starmer sit em 5. Juli 2024
Amtssitz	10 Downing Street, London
Amtszit	noch em Beliebe vo Iirer Majestät
Schaffig vom Amt	4. April 1721
Letschti Ernennig	5. Juli 2024
Aareed	The Right Honourable
Website	www.number10.gov.uk

Dr Brömieeminister vom Veräinigte Köönigriich isch dr ranghöggsti Minister in dr Regierig vom Veräinigte Köönigriich Groossbritannie und Nordirland. Dr ganz Ditel isch Prime Minister, First Lord of the Treasury and Minister for the Civil Service of the United Kingdom of Great Britain and Northern Ireland (Brämieeminister, Erste Lord vom Schatzamt und Minister für e Staatsdienst vom Veräinigte Köönigriich vo Groossbritannie und Nordirland).

As dr erst Brömieeminister gältet dr Robert Walpole (1721–1742). Dr Keir Starmer isch zur Zit im Amt.

Kompetänze

Dr Brömieeminister git d Richtline vo dr Regierig aa, ernennt d Mitgliider vo sim Kabinett, koordiniert iiri Arbet und d Arbet vo iire Ministerie, isch bi zeremonielle Aaläss drbii, und representiert d Regierig im Veräinigte Köönigriich und im Usland.

Ernennig und Rückdritt

Dr Premierminister wird vom Monarch ernennt und es isch Dradizioon, ass er dr Füerer vo dr Meerhäit im Underhuus nimmt. Wenn käi Bardei d Meerhäit het (Hung parliament) – was wägenem Meerhäitswaalrecht sälte bassiert –, ernennt dr Monarch dr füerend Politiker von ere Koalizion oder äine vo de bäide Bardeifüerer.

Sit em Aafang vom 20. Joorhundert isch s Dradizioon, ass dr Brömieeminister, wie au die andere Mitgliider vom Kabinett, e Sitz im Underhuus häi.

Theoretisch cha dr Monarch dr Brömieeminister (und au die andere Regierigsmitgliider) entloo wenn er will, aber braktisch drätet dr Brömiee sälber zrugg, sig s us persönlige Gründ, wil si Bardei d Waale verloore het oder wil er Understützig vom Underhuus nüme het. Dr Brömieeminister cha im Monarch vorschloo, s Parlamänt ufzlööse und Nöiwaale z verkünde.

Weblingg

• Website vom Brömieeminister

Dä Artikel basiert uff ere fräie Übersetzig vum Artikel „Premierminister des Vereinigten Königreichs“ vu de dütsche Wikipedia. E Liste vu de Autore un Versione isch des Vereinigten Königreichs&action=history do z finde.