S Ghorsamsgebott (Remerbriäf 13)

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

S Ghorsamsgebott isch e Gebott, wu dr Aposchtel Petrus in sinem Briäf an d Remer bredigt het. Diä Stell im Neije Teschtämänt heißt:

Jede söll sech der Regierig, wo im Amt isch, underzie. Es git ke Regierig, wo nid vo Gott ygsetzt isch. 0 di gägewärtige sy vo Gott ygsetzt. Wär sech gäge d Regierig stellt, dä stellt sech also gäge das, wo Gott ygrichtet het. Die, wo sech dergäge wehre, mache sech strafbar. Wär ds Guete macht, bruucht sech vor de Beamte nid z förchte, nume dä, wo Böses macht. Du wettisch di nid vor der Regierig bruuche z förchte? De mach ds Guete! Si wird der's anerchenne. Si isch ja der Ghülfe vo Gott und hilft dir uf em Wäg zum Guete. We du hingäge ds Böse machsch, de muesch Angscht ha. Für nüüt treit si ja ds Schwärt nid! Si isch der Ghülfe vo Gott o i däm Stück, dass si eine verurteilt und straft, wo ds Böse macht. Drum isch es nötig, dass me sech underziet, nid numen us Angscht vor ein Gricht, nei, o us em Gwüsse use. (…)[1]

Des Gebott wird aber dur e anderi Stell in Neije Teschtämänt relativiärt, nämlig dur d Aposchtelgschicht 5,29; do sait dr Petrus un d Aposchtel:

Gott mues me folge, nit de Mönsche![2]

Des Gebott im Remerbriäf hets in Chrischte in verschiidene hischtorische Situatione licht gmacht, sich an d Herrschaft azbasse. Uf dr andere Sitte hän anderi no Wäg gsuecht, wiä mer do drum rum kunnt. So s Friiburger Konzil, wu sich im Nationslsozialismus intensiv mit däm Gebott üsenander gsetzt het.

D Reformatore hän s Ghorsamsgebott unterschiidlig sträng üsglegt. Dr Zwingli het gsait: So aber die gantze menge des volcks einhälliklich […] den tyrannen abstoßt, so ist es mit got. Wänn dr Firscht so d Chrischtepflicht versüümt, mueß dr Bundesvertrag im e revolutionäre Akt erneijeret wäre un im Herrscher d Gewalt üs dr Hand gnumme wäre.[3]

Literatür[ändere | Quälltäxt bearbeite]

Ds Nöie Teschtamänt bärndütsch. Übersetzig: Hans und Ruth Bietenhard, Bern 1985

Quälle[ändere | Quälltäxt bearbeite]

  1. Ds Nöie Teschtamänt bärndütsch, S. 326
  2. Ds Nöie Teschtamänt bärndütsch, S. 248
  3. Zitat un Iischätzig noch em Heinrich Richard Schmidt [1] (Site cha nüme abgrüeft wärde; Suche im Webarchiv)[2] [3] Vorlage:Toter Link/www.schmidt.hist.unibe.ch.