Dr Freiji Weeler Landesverband Baade-Württebärg

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Freie Wähler Landesverband Baden-Württemberg
Logo-freie.png
Vorsitzer Wolfgang Faißt (sit 25. April 2015)
Stellvertreter Monika Springer
Bernhard Schweizer
Roland Henke
Peter Aichinger
Gschäfts­fierer Friedhelm Werner
Ehre­vorsitzender Heinz Kälberer
Grindigs­datum 3. Merz 1956 (as Veräin)
Grindigs­ort Stuttgart
Hauptsitz Alte Weinsteige 48
70180 Stuttgart
Mitglider­zahl ca. 9'000 (middelbaar dur Mitgliidsveräin)
Website landesverband.freiewaehler.de

Dr Freiji Weeler Landesverband Baade-Württebärg e. V. isch dr grösst Dachverband vo freije Weelergrubbe in Baade-Württebärg, aber käi Bardei. Die Freije Weeler si in Baade-Württebärg sterker verankeret as in jeedem andere Bundesland. Bi Gmäindirootwaale bechömme si reegelmäässig die mäiste Stimme und Sitz, zletscht 31 % im Joor 2019 (e baar unabhängigi örtligi Weelergrubbe si do iigschlosse).[1]

Organisazioon[ändere | Quälltäxt bearbeite]

D Mitgliider vom Verband si mäistens Stadtverbänd, Ortsveräin, Kräisverbänd und Frakzioone. Dr Landesverband isch dr Verdrätter vo öbbe 10'000 Freije Weeler. Dr Sitz vom Verbande isch z Stuttgart, Alte Weinsteige 48. Dr Landesvorsitz isch sit 2015 dr Wolfgang Faißt, Bürgermäister us Renninge (Landkräis Böblinge), sini Stellverträter bzw. gschäftsfüerende Vorständ si d Monika Springer (Nordbaade), Bernhard Schweizer (Südwürttebärg), Roland Henke (Süüdbaaden) und Peter Aichinger (Nordwürttebärg). Sit 1. Januar 2013 isch dr Bürgermäister a. D. Friedhelm Werner Landesgschäftsfüerer. Oberbürgermäister a. D. Heinz Kälberer dr Eerevorsitzend (Stand 2017).

Ufgoobe[ändere | Quälltäxt bearbeite]

Dr Verband isch käi Bardei und het käi politischs Brogramm. D Mitgliider bilde sich en äigeni Mäinig zu sachpolitische Theme. Dr Verband issch e Dienstläister für sini Mitgliider, bildet e Netzwärk und verdritt die gmäinsaame Inträsse. Er berootet in kommunalpolitische und veräinsrächtlige Frooge. Zentraali Ziil si s Bhalte vom kommunaale Persöönlikäitswaalrächt, ass si punkto Stüüre mit de Bardeije gliich gstellt wärde und s Sälbstverwaltigsrächt vo de Stedt und Gmäinde. S gmäinsaame Aaschaffe vo Middel und Understützig für Waalreklaame und s Informiere vo de Mitgliider und dr Öffentlikäit ghööre zu de wääsentlige Ufgoobe vom Landesverband.

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

  1. Statistisches Landesamt Baden-Württemberg: Gemeinderatswahlen 2019, Land Baden-Württemberg; abgerufen 21. Juni 2019.