Froueschdimmrächt i der Schwiz

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

S Froueschdimmrächt i der Schwiz (Stimm- u Wahlrächt) isch dür en eidgnössischi Abschdimmig am 7. Februar 1971 igfüehrt worde. Formell ischs Froueschdimmrächt am 16. Merz 1971 würksam worde. D Schwiz isch so eis vo de letschde n europäische Länder gsi, wo sire wibleche Bevölkerig di volle Bürgerrächd zugschdande hei, aber si isch s erschde Land gsi, wo s dür e Vouchsabschdimmig (vom männleche Deil vo der Bevölkerig) bassiert isch.

Bis zur Ifüehrig vom Froueschdimmrächt i allne Kantön si allerdings no witeri 20 Jahr vergange: Am 27. Novämber 1990 hets Bundesgricht ere Chlag vo Froue us em Kanton Appezäll Innerrode Rächt gä und het drmit d Verfassigswidrigkeit vo der Innerrhoder Kantonsverfassig i däm Punkt beschdätigt.[1] So het Appezäll Innerrhode as letschde Kanton s Schdimmrächt für Froue uf kantonaler Ebeni igfüehrt, gäge Mehrheitsentscheid vo de Männer a der Landsgmeind am 29. April 1990.

Dr Houptgrund für di verglichswis schboti Umsetzig lit im politische Syschdem vo der Schwiz. Bi Vorlage, wo d Verfassig bedräffe, entscheidet elei s schdimmberächdigte Volk zäme mit de Ständ (Kantön). Um s Schdimmrächt uf de verschidne Ebine ifüehre zu chönne, hets immer d Mehrheit vo de schdimmberächdigte Männer brucht. Uf nationaler Ebeni isch zuedäm s Schdändemehr nötig gsi, aso d Mehrheit vo de zueschdimmende Kantön. Es witeres Hindernis isch i der Tatsach gsi, dass i der Bundesverfassig (BV) vo 1848 s Wahlrächt vilfach a n aktive Wehrdienschd kopplet gsi isch. I vilne Kantön het golte: wär Art. 18 BV Jede Schwizer isch wehrpflichdig ned erfüllt het, isch vom Aktivbürgerrächt usgschlosse gsi.

Weblink[ändere | Quälltäxt bearbeite]

 Commons: Froueschdimmrächt i der Schwiz – Sammlig vo Multimediadateie

Quelle[ändere | Quälltäxt bearbeite]

  1. Bundesgrichtsurteil vom 27. Novämber 1990. In: Amtliche Sammlung der Entscheidungen des Schweizerischen Bundesgerichts. Abgerufen am 25. Dezember 2010.
Information icon.svg Dä Artikel basiert uff ere fräie Übersetzig vu dere Version vum Artikel „Frauenstimmrecht_in_der_Schweiz“ vu de dütsche Wikipedia.

E Liste vu de Autore un Versione isch do z finde.