Franz Kerber
| Dialäkt: Friburgerisch (eltere Stadtdialekt) |
De Franz Anton Josef Kerber (* 25. Februar 1901 z Friburg im Brisgau; † zwische April un em 4. September 1945) isch vu 1933 bis 1945 Owerburgermeischter vu de Stadt Friburg gsii.
Lewe[ändere | Quälltäxt bearbeite]
De Franz Kerber het scho frie im „Freikorps Oberland“ mitgmacht.[1] Er het Volkswirtschaftslehr studiert un het s Studium mit em Diplom abgschlosse. 1925 het er an de Universität Erlangen promovoert iwer di wirtschaftlig Lag vum Rebbau z Bade. Im Johr 1930 isch er in d NSDAP iidrette, isch 1932 Kreisleiter vu de NSDAP, Hauptschriftleiter vu de NSDAP-Zittig Der Alemanne un Gau- un Richsredner wore.[1] In dere Funktion het er no de Machtiwernahm vu de NSDAP mit ere Hetzkampagne aagfange gege de amtierend Owerburgermeischter Karl Bender, wu zue de Beurlauwig vum Bender am 9. April 1933 gfiert het.[2] De Kerber isch am Dag denoo zum Noofolger vum Bender ernennt wore. Anne 1936 isch er Gauamtsleiter fir Kommunalbolitik z Bade wore. 1938 isch er in d SS iidrette, wu er 1941 zum Owersturmbannfierer beferderet wore isch.[1] Vu 1939 bis Juni 1943 het er in de Wehrmacht dient.
Ab 1937 isch de Kerber au Mitglid vum Kolonialbeirot vum Gauverband Bade im Richskolonialbund gsii. Scho 1935 isch er Mitglid vu de Gsellschaft fir Rassehygiene gsii.
Em Kerber si Amtszitt het ufghert mit de Bsetzig vu Friburg dur franzesischi Druppe im April 1945. De Kerber isch vu franzesische Militärregierig interniert un am 4. September 1945 in eme Wald bi Friburg verschosse ufgfunde wore.[1]
Literatur[ändere | Quälltäxt bearbeite]
- Wolf Middendorff: Kerber, Franz Anton Josef. In: Badische Biographie. Neue Folge. Band 2, 1987.
Weblink[ändere | Quälltäxt bearbeite]
- Ulrich Ecker: Geschichte des Freiburger Gemeinderats unter dem Nationalsozialismus, Stadtarchiv Friburg
Fueßnote[ändere | Quälltäxt bearbeite]
- ↑ 1,0 1,1 1,2 1,3 Ernst Klee: Das Personenlexikon zum Dritten Reich. Wer war was vor und nach 1945. Fischer Taschenbuch Verlag, Zweite aktualisierte Auflage, Frankfurt am Main 2005, S. 304.
- ↑ Oberbürgermeister Dr. Bender beurlaubt. Freiburger Zeitung, 10. April 1933, 1. Morgenausgabe, S. 3 [1]
| Vorgänger Karl Bender |
Owerburgermeischter vu Friburg im Brisgau 1933–1945 |
Nochfolger Max Keller |
|
Dä Artikel basiert uff ere fräie Übersetzig vu dere Version vum Artikel „Franz_Kerber“ vu de dütsche Wikipedia. E Liste vu de Autore un Versione isch do z finde. |