François Joseph Gobel

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Mìlhüüserisch

Dr François Joseph Gobel (* 27. Dezamber 1731 z’ Kolmer, Owerelsàss; † 24. Hornung 1818 z’ Röschenz, Kànton Bärn) ìsch a elsassischer kàthoolischer Oordapriaschter gsìì, wo Pfàrrer ìm Département Owerelsàss gsìì-n-ìsch. Wahrend dr Frànzeescha Revolüzioon ìsch’r veraidigter Priaschter gsìì.

sii Laawa[ändere | Quälltäxt bearbeite]

Dr François Joseph Gobel ìsch àm 27. Dezamber 1731 z’ Kolmer ìm Owerelsàss uff d’ Walt kumma, àls Suhn vum François-Antoine-Joseph Gobel un vu dr Marie-Thérèse geborena Haus. Sii Vàtter ìsch Mìtglìed ìm Hochhaitliga Root vum Elsàss gsìì. Sii Brüader Jean-Baptiste ìsch kàthoolischer Wäihbischoof vu Bàsel gsìì, un schpeeter konschtitüzionäller Bischoof vu Pàris. Sii àndra Brüader Jean-Jacques Ignace ìsch Domhärr z’ Moutier-Grandval ìm hittiga Bärner Jura worra.

Àm 1. Hornung 1751 ìsch dr Gobel bii da Benediktiiner vun Awerschmìnster ìm Unterelsàss iinakumma. Doo hàt’r dr Oordanàmma Ildefons gnumma. Ar ìsch àm 24. Mai 1755 àls Priaschter gwäijt worra un hàt àm gliicha Tààg siina Friajmass ghàlta.[1]

Vu 1762 bis 1779 ìsch dr Gobel Pfàrrer z’ Sànt Johànn bii Zàwra gsìì, un hàt ìm Kloschter vun Awerschmìnster so wia-n-àn dr Bischääfliga-n-Üniwärsiteet vu Schtroossburi d’ Gotteslehr unterrìchtet. Wahrend dr Frànzeescha Revolüzioon hàt’r àm 16. Àwrìl 1792 dr Ziwila-n-Aid àbglajt un hàt uff Ewersulzbàch bii Màsmìnschter ìm Owerelsàss gwàndelt. Àm 22. Nowamber vum gliicha Joohr hàt ma-n-ìhn àls konschtitüzionäller Pfàrrer vu Nìedersulzbàch gwählt. Obwohl’r veraidigter Priaschter gsìì-n-ìsch, ìsch’r ìm Jüüli 1794 z’ Baffert verhàftet un iigschpärrt worra. Ìm Oktoower 1794 ìsch’r bfräijt worra un ìsch z’ Nìedersulzbàch z’ruckkumma. Àm 22. Septamber 1795 hàt ma-n-ìhn àls Mìtglìed vum Presbyterium vum Owerelsàss z’ Sulz gwählt. Drnooh ìsch’r àm 11. Hornung 1796 Pfàrrer z’ Ewerburnhàuipt ìm Sundgàui worra. Àls Pfàrrer vun Ewerburnhàuipt hàt’r ìm Jüüli 1797 z’ Unteràschbàch àn dr Wàhl vum Àbgoordneter vum Bìschtumm Owerelsàss fìrs Konzil vu Pàris mìtgmocht.[2] Züadam ìsch’r ìm Àwrìl 1796 z’ Unteràschbàch Schtìmmazehler bii da baida Wàhla gsìì, wu ma dr Marc-Antoine Berdolet àls konschtitüzionäller Bischoof vum Owerelsàss gwählt hàt.[3]

Schpeeter ìsch dr Gobel z’ Dälschberg gsìì, wu sallamols zem Frànkriich gheert hàt. Wu dr Klerüs ìm Joohr 1802 umgschtällt worra-n-ìsch, hàt dr Gobel àm 14. Septamber ìm Frànzeescha Konkordàt züagschtìmmt. Ànna 1803 ìsch’r z’ Haidwiller bii Àltkìrich gsìì. Ar hàt nìt fliassend ditsch grädd, àwwer ìsch doch àls Pfàrrer vu Röschenz ìm hittiga Bàselbiat ärnännt worra, wu-n-’r àm 24. Jüüli 1805 s’ Aid àbglajt hàt. Z’ Röschenz ìsch’r àm 24. Hornung 1818 gschtoorwa. Ar ìsch àm 27. Hornung beardigt worra.

Lìteràtüür[ändere | Quälltäxt bearbeite]

  • Jean-Pierre Renard: Gobel, François Joseph (1731-1818), en religion Ildephonse. In: Dictionnaire du Jura. Société jurassienne d'émulation, 21. November 2005 (diju.ch [abgerufen am 5. Oktober 2021]).

Ainzelnohwiisa[ändere | Quälltäxt bearbeite]

  1. Dominique Dinet: Au cœur religieux de l’époque moderne : Études d'histoire. Presses universitaires de Strasbourg, 2019, ISBN 979-1-03440423-0, Familles nombreuses et engagement religieux (XVIIe-XVIIIe siècles), S. 559 (französisch, google.fr [abgerufen am 5. Oktober 2021]): “Le 24 mai 1755, mon fils, le P. Ildephonse [François Joseph Gobel], bénédictin à Ebersmunster, a dit sa première messe.”
  2. Auguste-Marie-Pierre Ingold: Grégoire et l'Eglise constitutionnelle d'Alsace : documents inédits, Volumes 342-369. A. Picard & fils, 1894, S. 82–83 (französisch, google.fr [abgerufen am 5. Oktober 2021]).
  3. Àbt Winterer: La persecution religieuse en Alsace pendant la grande révolution, de 1789 à 1801. A. Sutter, 1876, S. 233–234 (französisch, google.fr [abgerufen am 5. Oktober 2021]).