Flughafe Moskau-Domadedowo

Us der alemannische Wikipedia, der freie Dialäkt-Enzyklopedy
Dialäkt: Bärndütsch
Flughafe Moskau-Domadedowo Домодедово
Känndate
ICAO-Code UUDD
IATA-Code DME
Koordinate

55° 24′ 31″ N, 37° 54′ 23″ OKoordinate: 55° 24′ 31″ N, 37° 54′ 23″ O

Höchi über MSL 181 m  (594 ft)
Verchehrsaabindig
Entfärnig vom Stadtzäntrum 35 km südlich von Moskau
Bahn Aeroexpress zur Metro u zum Nahverchehrszug (Elektritschka)
Nohverchehr Expressbös
Basisdate
Ufgmacht am März 1964
Betriiber East Line Group
Flechi 1280 ha
Terminal 2 (+1 i Planig) mit 22 Fluggaschtbrügge
Passagier 28.200.000 (2012)
Luftfracht 196.984 t (2012)
Flug-
bewegige
253.500 (2012)
Kapazitet
(PAX pro Johr)
21 Mio, nach 2012: 35 Mio.
Start- un Landebahne
14L/32R 3793 m × 53 m Stahlbeto
14R/32L 3500 m × 60 m Zementbeto

Der Flughafe Domodedowo (russisch Домодедово) isch der zwöitgröschti Flughafe vo der russische Houptstadt Moskau. Är lyt südlech vo der Metropole, 35 Kilometer vom Stadtzäntrum u 22 Kilometer vo der Moskauer Ringoutobahn MKAD ewäg, ganz y der Neechi vo der Stadt Domodedowo. Der Flughafe lyt 181 Meter über em Meeresspiegel.

Ursprünglech isch der Flughafe houptsächlech für e Inlandsverchehr bestimmt gsi, zahlrychi Fluggsellschafte hei aber, wäge zuenähmende Problem uf em grössere Flughafe z Moskau-Scheremetjewo, ihri Flüg nach Domodedowo verleit. Di privati Betribergsellschaft het ds Konzept vo meine Moderne Flughafe mit weschtlechem Standart verfolgt.

Am 24. Jänner 2011 isch der Flughafe Ziil vo mene terrorischtische Aschlag gsi.[1]

Kapazität[ändere | Quälltäxt bearbeite]

Ds Terminal vo inne.

Im Jahr 2017 sy über 30 Millione Passagier über Domodedowo gfloge.[2] Somit isch Domodedowo der zwöitpopulärschti Moskauer Flughafe, grad nach em Flughafe Moskau-Scheremetjewo u vor em Flughafe Moskau-Wnukowo. Betriibe wird der Flughafe vo der Firma East Line, die hei der Flughafe für 75 Jahr gmietet. D East Line ghöre di zwöi Terminals u diversi anderi Alage. Nur ds Flugfäld befindet sech under staatlecher Kontrolle.

Im Jahr 2006 isch ds Terminal in es nationals u nes internationals Terminal ufteilt u grosszügig usboue worde. Dür das isch d Kapazität vo 14 Millione Passagier uf 21 Millione Passagier gstyge. Näbe de beide Terminals git’s no Vorfäldstellplätz für d Flugzüüg. Zu dene wird me mit Neoplan- oder Cobus-3000 Flughafetransportbösse gfahre.

Es git zwöi Parallel azflüügendi Start- u Landebahne, 3000 u 3800 m läng. U i de Flächenutzigsplän isch Ruum für sächs wyteri Landebahne yplanet. Pro Stund chöi insgesamt bis zu 70 Starts u Landige abgwicklet wärde.

Der Aschlag im Jänner 2011[ändere | Quälltäxt bearbeite]

Am 24. Jänner 2011 isch es um 16:32 Uhr[3] Ortszyt im Bereich vom Flughafeterminal zu nere Explosion cho. Da derby sy 35 Persone töt u 170 Persone verletzt worde.[4] Es het sech offesichtlech um ene Sälbstmordaschlag ghandlet.

D Abindig nach Moskau[ändere | Quälltäxt bearbeite]

E Airbus A320 vo der Air Arabia uf em verschneite Flughafe Domodedowo.
  • Di schnällsti Verbindig isch der Aeroexpress-Zug, dä fahrt im 30 oder 60-Minute-Takt ohni halt zum Pawelezer Bahnhof u drümal am Tag zum Kursker Bahnhof sowi zum Bahnhof Kalantschowskaja. D Fahrzyt betreit öppe 45 Minute u e Einzelfahrt chöschtet um di 470 Rubel i der 2. Klass (“Standard”) u öppe 1000 Rubel i der 1. Klass (“Business Class”).[5] Zytewys git’s d Müglechkeit, a 10% bilegeri Onlinebilett sowi a nes “Metro+”-Bilett, wo ou für ne Fahrt mit der Metro gültig isch, z cho. Der vorhär aboteni Check-in am Pawelezer Bahnhof isch am 1. Jänner 2011 ygstellt worde.
  • D Fahrt mit em normale Vorortszug choschtet nur 84 Rubel, allerdings betreit d Fahrzyt öppe 80 Minute, u es exischtiert kei Taktfahrplan.
  • Bösse u Sammeltaxis fahre vo der Metrostation Domodedowskaja der “grüene” Samoskworezkaja-Linie zum Flughafe.
  • Der Flughafe isch über ne Näbezweig vo der russische Fernstrass M4, wo zu nere Outobahn usboue isch wirde, z erreiche.

Der Bahnaschluss[ändere | Quälltäxt bearbeite]

Der Flughafebahnhof
Der Aeroexpress vor der Abfahrt zum Pawelezer Bahnhof

Umstyg mit Flughafewächsel[ändere | Quälltäxt bearbeite]

D Aeroexpress-Züg sy mittlerwyle in ere Gsellschaft zämegfasst. Si git es Informationsblatt mit allne drei Linie use u het ou e Homepage. E schnälle Flughafewächsel isch dür d Benützig vo der Metro zwüsche zwöine Zylbahnhöf müglech:

D Metro-Fahrt zwüsche zweene Bahnhöf duuret öppe 30 Minute. Für e Flughafewächsel zwüsche zweene Moskauer Flughäfe sy öppe 3 Stund nötig. Das isch wäsendlech schneller als mit em Taxi.

D Abstellplätz für Flugzüüg[ändere | Quälltäxt bearbeite]

Zwüsche de beide Rollfäldbahne i südöschtlecher Richtig vom Abfertigungsgeböide sy sehr vil russischi Verchersflugzüüg elterer Bouart, teilwys scho usgschlachtet (Triibwärch, Türen u verschiideni widerverwändbari Ersatzteili usboue), abgstellt. Vili vo ihne stamme vo nümm exischtierende Fluggsellschafte wi zum Byspiil d Domodedovo Airlines oder der AiRUnion.

Aber ou hüt no existierendi russischi Airlines stelle usgmuschtereti Luftfahrzüüg dert ab. Di russischi Fluggsellschaft Transaero het 2013 alli Flugzüüg vom Typ Boeing 747-200/-300 usgmuschteret. Einigi vo dene Maschine sy dert abgstellt worde.

Einigi Flugzüüg wo dert sy abgstellt worde:

Wyter isch e Boeing 737-200 südlech vo der Pischte 14L abgstellt. Am Pischtenändi vo der Pischte 14L lyt bis hüt ds Frack von ere Tu-154 wo 2010 agstürzt isch.

D Fluggsellschafte[ändere | Quälltäxt bearbeite]

Als erschti internationali Fluggsellschaft isch di damaligi Swissair im Jahr 2001 der Flughafe agfloge.[6] 2006 het British Airways ds Glyche gmacht. Insgesamt biete inzwüsche über 80 verschideni Fluggsellschafte Flüg nach Domodedowo a. Ou di dütschi Lufthansa het ihre ganz Flugbetriib mit em Summerflugplan 2008 nach Domodedowo verleit.

Di meischte Flüg bietet d S7 Airlines (di früechrigi Sibir) a. S7 het uf däm Flughafe ihres Dräjchrüz.

Weblink[ändere | Quälltäxt bearbeite]

 Commons: Flughafen Domodedowo – Sammlig vo Multimediadateie

Quelle[ändere | Quälltäxt bearbeite]

  1. Meldung auf www.tagesspiegel.de, ufgrüeft am 1. Dezämber 2019
  2. Moskauer Airport Domodedowo Artikel über d Entstehig vom Flughafe Moskau-Domodedowo (Archiv Link vom Internet Archiv ufgrüeft am 2. Dezämber 2019)
  3. Взрыв в „Домодедово“ унес жизни людей
  4. Kein Licht, zerfetzte Körper“ bei Blutbad in Moskau
  5. Aeroexpress fares, abgrüeft am 2. Dezämber 2019 (Archiv Link vom 4. Juli 2011)
  6. Press Release: Domodedovo International Airport and Swiss International Air Lines. Domodedovo International Airport. Artikel vom 5. Dezämber 2006. Archiviert vom Original am 3. März 2016. Abgrüeft am 2. Dezämber 2019
Dä Artikel basiert uff ere fräie Übersetzig vu dere Version vum Artikel „Flughafen_Moskau-Domodedowo“ vu de dütsche Wikipedia. E Liste vu de Autore un Versione isch do z finde.