Florian Seiberlich

Dr Florian Seiberlich (* 1965 z Schopfe) isch e dytsche Textilingenieur un Musiker.

Lääbe

Dr Seiberlich isch z Huuse ufgwagse. No dr Schuel het er vu 1987 bis 1991 an dr Fachhochschuel Reidlenga Textiltächnology studiert un as Dipl. Ing. (FH) abgschlosse.

Vu 1992 bis 1995 het er bi dr Synteen Gewebe Technik GmbH gschafft un vu 1995 bis 1999 bi C. Illies & Co z Hamburg. Ab 1999 het er no bi dr Rökona Textilwerk GmbH z Dibenga gschafft. Anne 2007 isch er zue dr Amann & Soehne GmbH & Co. KG an Standort Boennigheim gwägslet. 2010/2011 isch er bi dr Kunert Gesellschaft mbH im vorarlbärgische Rankweil gsii un syter 2011 schafft er wider z Boennigheim bi dr Aman Group.

Dr Seiberlich isch ghyrote, het drei Chinder un läbt syter anne 2000 mit syre Familie z Dibenga.

In syre Freizyt macht dr Seiberlich Musik, 2019 het er e CD uusebrocht, wun er alemannischi Gedicht vum Johann Peter Hebel druf vertont het mit dr Gitarre.

Wäärch

• Es gfallt mer nummen eini. Alemannische Lieder. CD mit Notenheft. emanomedia gmbh 2019. ISBN 978-3038360384
• Traumvogel - kleine Große Kinderlieder. CD mit Notenheft. emanomedia gmbh 2017. ISBN 978-3038360261

Weblink

• Sarah Trinler: Florian Seiberlich: „Wer Hebel liest, hat immer eine gute Zeit“, Badische Zeitung, 17. Augschte 2020