Firtan

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
dr Phillip Thienger, Heathen Rock Festival 2014
dr Oliver König, Heathen Rock Festival 2014

Firtan isch ä Lörracher Metalband, wo aafangs 2010 gründet worre isch.

Gschicht[ändere | Quälltäxt bearbeite]

Firtan isch aafangs 2010 z Süddütschland vom Phillip Thienger, em Martin „Troll“ Lindner un em Neves Sänger gründet wore. Noch e baar Bsetzigswächsel sin Ändi 2010 zwai neui Mitstritter gfunde wore: d Linda Biermann am Keyboard un dr Oliver König am Bass. Anne 2011 het s erschti Liveufdritt gee, unter anderem zämme mit Hackneyed un Jack Slater, un im glyche Johr het de Neves Sänger d Band verloo un isch dur de Simon Philipp ersetzt wore. Anne 2012 het d Band aagfange mit de Arbet an de erschte Veröffentlichung „Wogen der Trauer“ un in däm johr het s Ufdrit gee mit andere Band wie Parasite Inc., Atritas un Abinchova. Ändi 2012 het d Keyboarderi Linda d Band us Zittgründ verloo, het aber no mitgwirkt mit de Ufnahme. D EP „Wogen der Trauer“ isch aafangs 2013 veröffentlicht wore.

De Bandname chunnt vo ahd. firtānfi ‘Gottloser’, ere Ableitig zue firtuon ‘verdamme, verflueche’ (entspricht em alem. vertue).

D Musik vo Firtan isch e Mischig us Black Metal, melodische Folk/Paganelemänt un „Melodic Death Metal“.

Mitglieder[ändere | Quälltäxt bearbeite]

D aktuelli Bsetzig bschtoht us:

  • Phillip Thienger – Leadgitarre, Gsang;
  • Martin Lindner – Schlagzüg (Trummlet au bie Maersung);
  • Oliver König – Bass (Spilt bi Maersung Gitarre);
  • Marius Zeinhofer – Gitarre (Live)
  • Elias Hugenschmidt – Gitarre (Live)

Ehemaligi Mitglieder:

  • Simon Philipp – Gitarre
  • Linda Biermann – Keyboard;
  • Neves Sänger – Rhythmusgitarre

Gründigsmitglieder:

  • Phillip Thienger – Leadgitarre;
  • Neves Sänger – Rhythmusgitarre;
  • Martin „Troll“ Lindner – Schlagzüg;

Diskographi[ändere | Quälltäxt bearbeite]

  • Wogen der Trauer EP (2013)
  • Niedergang (2014)

Weblink[ändere | Quälltäxt bearbeite]