Ferdinand Barlow

Dr Ferdinand Barlow zwìscha 1910 un 1930

Dialäkt: Mìlhüüserdiitsch

Dr Ferdinand Barlow (àui Fred Barlow, * 2. Oktoower 1881 z’ Mìlhüüsa, Raichslànd Elsàss-Lothrìnga; † 3. Janner 1951 z’ Boulogne bii Pàriis) ìsch a elsassischer Kùmponìscht gsìì.

sii Laawa

Dr Ferdinand Barlow ìsch ànna 1881 z’ Mìlhüüsa ìm Owerelsàss uff d’ Walt kumma. Ìn dara Zitt hàt s’ Elsàss zem Diitscha Kaiserraich gheert. Sii Vàtter ìsch dr anglischa Inscheniöör Sydney William Barlow gsìì; siina elsassischa Müatter ìsch d’ Tànta vum Kùmponìscht Charles Koechlin gsìì.

Dr Barlow hàt z’äärscht àn dr Polytäcknischa Schüal vu Züri gschtudiart, fìr Inscheniöör wara. Àb 1908 hàt’r sìch àwwer ìn dr Müüsik gwìdmet. Ar hàt sìch z’ Pàriis nììdergloo un hàt dr Erik Satie un d’ Groupe des Six kännaglehrt. Ar hàt Kùmposizioon biim Jean Huré un em Charles Koechlin gschtudiart. Dr Barlow hàt d’ Luschtoper Sylvie ou le double amour (Pàriis 1923) s’ Operättla Mam’zelle Prudhomme (Monte Carlo 1932), d’ Bàllätter La grande jatte (Pàriis 1950) un Gladys (Mìlhüüsa 1956) gschrììwa. Ar hàt àui Orkäschterwark, Kàmmermüüsik, Klàviarstìckla, Choorwark, Liader un gaischtiga Müüsik kùmponiart. Ànna 1926 ìsch’r Kwääker worra; dàs hàt a groosser Iifluss uff sii Wark ghàà.

Àm 7. Mai 1904 hàt’r z’ Lozärn d’ Martha Julia Schuhmacher ghiiroota. Àm 18. Dezamber 1915 hàt sìch s’ Pààr loo schaida. D’rnooh hàt dr Barlow àm 26. Àuigscht 1916 z’ Saumur d’ Ella Petersen (1890–1970) üss Amiens ghiiroota. Zamma mìt ìhra hàt’r fìr frànzeescha un üsslandischa Schtudanta dr Kwääker-Verain Cercle international de jeunesse grìnda.

Lìteràtüür

• Raymond Oberlé: BARLOW Fernand Fred. In: Nouveau dictionnaire de biographie alsacienne. Band 2. Fédération des sociétés d’histoire et d’archéologie d’Alsace, 1983, S. 108 (französisch, alsace-histoire.org [abgerufen am 19. Oktober 2022]). 
• Vorlage:Riemann Musiklexikon
• Barlow, Fred. In: Nicolas Slonimsky: Baker’s Biographical Dictionary of Musicians. 7. Auflage. Oxford University Press, London, New York, Toronto 1984, ISBN 0-19-311335-X, S. 153 (englisch). 

Weblìnks

 Commons: Fred Barlow – Sammlig vo Multimediadateie

• Literatur vu un iber Ferdinand Barlow in dr bibliografische Datebank WorldCat

Dä Artikel basiert uff ere fräie Übersetzig vu dere Version vum Artikel „Ferdinand_Barlow“ vu de hochdütsche Wikipedia. E Liste vu de Autore un Versione isch do z finde.

Dä Artikel basiert uff ere fräie Übersetzig vu dere Version vum Artikel „Ferdinand_Barlow“ vu de französische Wikipedia. E Liste vu de Autore un Versione isch do z finde.