Even Heaven Cries

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Even Heaven Cries
Single vo Monrose
us em Album Temptation
A-Syte "Even Heaven Cries"
B-Syte "Butt Butt", "Diamonds and Pearls"
Usecho Flagge von GermanyGermany 2. März 2007
Format CD Single, digitali Single,
Klingelton
Uffgno 2007, Weryton Studios
(Münche, Düütschland)
Genre Pop, R&B
Längi 3:56 (Albom Version)
2:55 (Single Version)
Label Starwatch
Schriber Philip Denker, Lauren Evans, Jonas Jeberg, Jens Lumholt, Robbie Nevil
Produzänt Jonas Jeberg;
Thorsten Brötzmann (Single)
Singles vo Monrose: Chronology
Letschti Single: Neui Single: Nöchschti Single:
"Shame"
(2006)
"Even Heaven Cries"
(2007)
"Hot Summer"
(2007)


"Even Heaven Cries" esch e Pop-Ballade vom dütsche Pop-Trio Monrose. De Song esch gschrebe worde vom Philip Denker, Lauren Evans, Jonas Jeberg, Jens Lumholt ond em Robbie Nevil ond esch produziert worde vom Jonas Jeberg för ehres Debut-Albom Temptation. De Song esch am 2. März 2007 veröffentlecht worde.[1] Osserdem esch das Lied för de Grand Prix Vorentscheid, d Voruswahl för de 52. Eurovision Songcontest 2007, gseh. Monrose hend sech 20 Prozänt vo de Stemme ergattert, was öbbe 900'000 Telephon-Stemme entsprecht. Sie hend de zwöiti Platz erreicht.

Musigvideo[ändere | Quälltäxt bearbeite]

S Musigvideo vo "Even Heaven Cries" esch gleitet worde vo de Katja Stuhl ond esch im Bezirk Spandau, afangs Februar dräiht worde, am 22. Februar 2007 het s Lied offizielle Videopremiere uf de Band ehrere Website gfiiret ond esch erstmous am 23. Februar 2007 ufem dütsche Musig-Sänder VIVA gspöut worde.[2] Am Afang vom Video gseht mer Monrose imene bluemige Garte, d Bahar Kızıl setzt ufmene Ritiseili, wärend d Senna Guemmour vor mene Kerschboum stoht ond d Mandy Capristo werd zeigt, wie sie ufere Bank setzt. Szene wie e Frou wo sech z'deck fühlt ond nochhär e Bande vo Meitschi sie plogid ond omeschöpfid, en Frou wo i de Duschi setzt ond brüelet ond en Bueb, wo di ganz Wohnig met gäuber Farb verschmiert ond de Vater verzwiflet luegt, send ihbout. Gäge Schloss werd offenbart, dass sech d Monrose inere Glaschogele befendet ond i dene vorgstöute Mönsche weder Muet ond Hoffnig möchid.

Chart Plazierige[ändere | Quälltäxt bearbeite]

Öbwouh "Even Heaven Cries" bes am 2. März ned offiziell veröffentlecht worde esch, hets das Lied id Düütschi Download Charts ufe Platz 9 im Dezember 2006 gschafft, elei dor digitali Downloads. Im Februar 2007 esch die bestätigt Single ei Woche vor Veröffentlechig ide Düütsche Airplay Charts ufe Platz 36 klätteret. Dennoch hets vier wiiteri Woche brucht, bes de Song sini Höchstplatzierig, Platz 16, erreicht het. Am 16. März 2007 esch "Even Heaven Cries" ide Dütsche Single Charts ufe Platz 7, in Östriich ond de Schwiiz ufe Platz 16 iträttet. I de druffolgende Woche esch de Song in Dütschland uf sini Höchstposition, Platz 6, gstege ond Platz 17 in Östriich.

Charts[ändere | Quälltäxt bearbeite]

Chart (2007) Peak
position
Düütschi Single Charts[3] 6
Euro 200[4] 16
Eurocharts Hot 100 Singles[5] 16
Östriichischi Single Charts[3] 17
Schwiizer Single Charts[3] 19

Songlischte[ändere | Quälltäxt bearbeite]

Das send d Ufstellige vo "Even Heaven Cries":

CD Single

  1. "Even Heaven Cries" (Single Version 2007)
  2. "Diamonds and Pearls" (gschrebe vo: Vincent Degiorgio, Tony Malm)
  3. "Butt Butt" (gschrebe vo: Jasmine Baird, Alex James)
  4. "Even Heaven Cries" (Jeo Mix)
  5. "Even Heaven Cries" (Instrumental)

Digitali Single

  1. "Even Heaven Cries" (Single Version 2007)
  2. "Butt Butt"
  3. "Even Heaven Cries" (Jeo Mix)


Credits ond Bsetzig[ändere | Quälltäxt bearbeite]

  • Gsang: Mandy Capristo, Senna Guemmour, Bahar Kızıl
  • Text: Philip Denker, Lauren Evans, Jonas Jeberg, Jens Lumholt, Robbie Nevil
  • Produktion: J. Jeberg, Thorsten Brötzmann (single version)
  • Mixing: J. Jeberg
  • Gleitet vo: Claudia Macias
  • Ufgnoh worde im Weryton Studio, München

Referänze[ändere | Quälltäxt bearbeite]

  1. Even Heaven Cries VÖ: 3. März 2007. In: prosieben.ch.
  2. Even Heaven Cries-Crew. In: mv-crew-united.com.
  3. 3,0 3,1 3,2 Monrose - "Even Heaven Cries". In: A-Charts. Abgrüeft am 26. Mai 2007.
  4. Offizielli Euro-Charts. In: euro200.eu.
  5. Offizielli Eurocharts Hot 100 Singles. In: billboard.com. (Site cha nüme abgrüeft wärde; Suche im Webarchiv)[1] [2] Vorlage:Toter Link/www.billboard.com