Eva Grebel
D Eva Katharina Grebel (* 1966 z Dierdorf) isch e dytschi Aschtronoomi. Si isch Brofässeri am Aschtronoomische Räche-Inschtitut, aim vu dr Dailinschtitut vum Zäntrum fir Aschtronomy vu dr Uniwersiteet Haidelberch.
Lääbe
[ändere | Quälltäxt bearbeite]D Eva Grebel het ire Stuudium in Fisik un Aschtronomy an dr Uniwersiteet Bonn anne 1991 mit em Diploom abgschlosse un isch im nämlige Joor as Summerstudänti am Space Telescope Science Institute z Baltimore gsii. In ire Zyt as Dokterandi an dr Uniwersiteet Bonn isch si vu 1992 bis 1994 zwai Joor as Student Fellow am La-Silla-Observatorium vu dr Europäische Siidstäärnwaart gsii. Anne 1995 het si zum Teema „Stellar population studies in nearby galaxies“ z Bonn bromewiert.[1][2][3]
No Poschtdokterandene-Stelle an dr University of Illinois at Urbana-Champaign (1995–1996), dr Uniwersiteet Würzburg (1996–1997) un dr University of California, Santa Cruz (1997–1998) isch d Grebel vu 1998 bis 2000 mit ere Hubble-Fellowship an d University of Washington z Seattle gange.[1][2]
Im Aaschluss an e Stell as Foorschigsgruppelaiteri (C3) am Max-Planck-Inschtitut fir Aschtronomy z Haidelberch ab 2000 het d Grebel 2003 e Ruef as Brofässeri fir beobachtendi Aschtronomy an s Aschtronoomisch Inschtitut vu dr Uniwersiteet Baasel iiberchuu, wu si vu 2004 bis 2007 au as Diräkteri voorgstanden isch.[1][2]
Anne 2007 isch d Grebel eme Ruef as Brofässeri fir Aschtronomy an d Uniwersiteet Haidelberch noogange, wu si Diräkteri vum Aschtronomische Räche-Inschtitut am Zäntrum fir Aschtronomy vu dr Uniwersiteet Haidelberch wooren isch.[1][2] D Grebel isch des Zyt di ainzig ooredli Brofässeri fir Aschtronomy z Dytschland gsii.[4]
D Grebel isch Sprächeri vum DFG-Sunderfoorschigsberaich 881 „Das Milchstraßensystem“ an dr Uniwersiteet Haidelberch gsii[5] un Bresidänti vi dr Kummissioon H1 „The Local Universe“ vu r Internazionaale Aschtronoomische Unioon.[6]
Foorschig
[ändere | Quälltäxt bearbeite]D Eva Grebel foorscht zue dr Stäärn in unsere Milchstrooß un dr andere Mitgliider vu dr Lokaale Gruppe vu dr Galaxie mit dr Grooße un dr Chlaine Magellansche Wulke und r nooche Zwäärggalaxie. S Wisse zue dr cheemische Ewoluzioon un zue dr Galaxiestruktuur, zum Entstoo vu dr Stäärn un zue dr Aigeschafte vu verschiidene Stäärnpopulazioone bruucht si fir Ruggschliss uf d Ewoluzioon un s Entstoo vu dr Milchstrooß un vu Galaxie im Allgmaine.[7][6][8]
Uuszaichnige, Bryys un Eerige
[ändere | Quälltäxt bearbeite]- 1996: Ludwig-Biermann-Feerderbryys vu dr Aschtronoomische Gsellschaft[9]
- 1999: Chrétien International Research Grant vu dr American Astronomical Society[10]
- 2006: Johann-Wempe-Bryys vum Aschtrofisikaalische Inschtitut Potsdam[7]
- 2009: Lautenschläger-Foorschigsbryys[11]
- 2011: Vollmitgliid vu dr Haidelbercher Akademy vu dr Wisseschafte[12]
- 2015: Hector Wisseschaftsbryys[13]
- 2021: Ufnaam as Mitgliid in d Leopoldina in dr Sekzioon Fisik[14]
Weblink
[ändere | Quälltäxt bearbeite]- Websyte vu dr Eva Grebel bim Aschtronoomische Räche-Inschtitut, Haidelberch
Fueßnote
[ändere | Quälltäxt bearbeite]- ↑ 1,0 1,1 1,2 1,3 CV auf den Webseiten von Eva Grebel am ARI. Abgrüeft am 6. Februar 2016.
- ↑ 2,0 2,1 2,2 2,3 Biographische Daten zu Eva Grebel auf AcademiaNet. Abgrüeft am 6. Februar 2016.
- ↑ Eintrag zur Dissertation im Bibliothekskatalog der Universität Bonn. Archiviert vom Original am 27. März 2019. Abgrüeft am 6. Februar 2016.
- ↑ Webseiten der Universität Heidelberg. 21. Februar 2016.
- ↑ Management-Informazioone uf dr Websyte vum SFB 881. Abgrüeft am 6. Februar 2016.
- ↑ 6,0 6,1 IAU member page for Eva K. Grebel. Abgrüeft am 6. Februar 2016.
- ↑ 7,0 7,1 Seite zum Johann-Wempe-Preis 2006 auf den AIP-Webseiten. Abgrüeft am 6. Februar 2016.
- ↑ Pressemitteilung der Universität Heidelberg zur Berufung von Eva Grebel. 30. November 2006. Archiviert vom Original am 13. November 2012. Abgrüeft am 22. November 2018.
- ↑ H.Ruder: Laudatio auf Eva Katharina Grebel zur Verleihung des Ludwig-Biermann-Förderpreises 1996. In: Mitteilungen der Astronomischen Gesellschaft. 80, 1997, S. 736 – 737
- ↑ Seiten der AAS zum Chrétien International Research Grant. Abgrüeft am 6. Februar 2016.
- ↑ Pressemitteilung der Universität Heidelberg. Abgrüeft am 6. Februar 2016.
- ↑ Mitgliederverzeichnis auf den Webseiten der Akademie, Buchstabe G. Abgrüeft am 6. Februar 2016.
- ↑ Webseiten Hector-Fellows zum Wissenschaftspreis 2015. Abgrüeft am 6. Februar 2016.
- ↑ Mitgliedseintrag von Eva K. Grebel bi dr Leopoldina
|
Dä Artikel basiert uff ere fräie Übersetzig vu dere Version vum Artikel „Eva_Grebel“ vu de dütsche Wikipedia. E Liste vu de Autore un Versione isch do z finde. |