Eschkaschem

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
اشکاشم
Eschkaschem
Eschkaschem (Afghanistan)
Eschkaschem
Eschkaschem
Koordinate 36° 43′ N, 71° 34′ OKoordinate: 36° 43′ N, 71° 34′ O
Basisdate
Staat Afghanistan

Provinz

Badakhshan
Höchi 2660 m

Eschkaschem (au Ischkaschim, Ishkashim; persisch اشکاشم) isch d Hauptstadt vom Distrikt Eschkaschem in dr Browinz Badachschan in Afghanistan.

Eschkaschem lit am lingge Ufer vom Pjandsch, dr Kwellfluss vom Amudarja, wo d Gränze zwüsche Afghanistan und Tadschikistan bildet und bi Eschkaschem gege Norde abbiegt. Uf dr andere Site vom Fluss lit e tadschikische Ort, wo gliich häisst. Die bäide Eschkaschem si sit em 31. Oktober 2006 dur e Stroossebrugg verbunde und die isch witgehend vom Aga Khan Development Network finanziert worde.[1]

Eschkaschem isch dr Strooss nooch 150 Kilometer vo Faizabad ewägg.

Zämme mit de Dörfer zringsume het s Stedtli 12'120 Iiwooner (Stand 2006). Die mäiste von ene si Nizaris, die grössti Grubbe vo de Ismailite, wo zur Schia ghööre.

Eschkaschem isch e wichdige Ort uf de Karawanewääg vo Afghanistan uf Yarkant und Kaschgar gsi.[2] Im Ort cha mä no Räst von ere chliine Festig gsee.

Fuessnoote[ändere | Quälltäxt bearbeite]

  1. Remarks by His Highness the Aga Khan at the Inauguration of the Ishkashim Bridge, uf dr Website vom Aga Khan Development Network
  2. Derek Waller: The Pundits. The University Press of Kentucky, Kentucky 1990, ISBN 0-8131-1666-X; Digitalisat auf Google Books
Information icon.svg Dä Artikel basiert uff ere fräie Übersetzig vum Artikel „Ishkashim“ vu de dütsche Wikipedia. E Liste vu de Autore un Versione isch do z finde.