Elsbeth Sigmund

Dialäkt: Schwäbisch

D Elsbeth Sigmund (* 25. Okdober 1942 z Winterthur) ischt a Schweizere, wo en de Jôhr 1952 bis 1955 en zwoi schweizerische ond oim deitscha Schbiilfilm als Kendrdarstellere – emmer en dr Roll vo dr Johanna Spyri ihrer Romanfigur Heidi – bekannt wôrra ischt.

Aus ihrem Leaba

Wia d Schweizer Filmfirma Praesens Film ôôfangs dr 1950er Jôhr a Hauptdarstellere fir ihrn Film Heidi gsuacht hôt, isch d Elsbeth Sigmund us-ra graußa Grubbe vo Mädla ausgwehlt wôrra. Dui erschda deitschschbrôchiga Vorfilmong vo dr Johanna Spyri ihrem weltberihmda Kenderbuech hôt beim Publikum – ond des weit ibr d Schweiz naus – dermaßa guet eigschlaga, dass mr des Mädle noh fir weidre zwoi Film mit dera Roll beauftragt hôt. Dô drnôch hôt d Elsbeth Sigmund ihr Filmlaufbôh beendet.

Em Erwachsena-Alder hôt d Elsbeth Sigmund da Lehrer-Beruef ergriffa. Nôch 39 Beruefsjôhr ischt-se schliaßlich en da Ruhestand treda. Heit leabt-se mit ihrem Môô en ihrem Hoimetort.

D Film, wo-se dren mitgschbiilt hôt

• 1952: Heidi
• 1954: Heidi und ihre Freunde (Aldernadivtitl: S’Vreneli vom Eggisberg ond Frühlingslied)
• 1955: Heidi und Peter

Weblink

• A kurza Beschreibong vo dr Elsbeth Sigmund ihrem Leaba mit-ma Bildle aus sellra Zeit, wo-se als Kenderdarstellere en de Film mitgwirkt hôt.
• Elsbeth Sigmund in dr Internet Movie Database
• A baar Bilder aus de Film mit dr Elsbeth Sigmund bei Cinema.de