Iiwohnerrot
De Iiwohnerrot ersetzt in grosse Schwiizer Gmeinde d Gmeindsversammlig. Dodermit entschpricht er in de Funktion öppe em Gmeindsrot, wie me ihn zum Bischpil in Dütschland kennt.
Gründ für en Iiführig
[ändere | Quälltäxt bearbeite]In Schwiizer Gmeinde wird s Budget vo de Gmeind, Kredit für Inveschtitione und vili andre Gschäft vo de Gmeindsbürger in de Gmeindsversammlig entschiide. Wil des für grösseri Gmeinde und Schtädt nöd praktikabel isch, chöi d Schtimmbürger d Iirichtig vo eme Iiwohnerrot bschliesse. De Iiwohnerrot wird in de Regel alli viir Johr gwählt.