Eile mit Weile

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Es Eile-mit-Weile-Brätt
Dialäkt: Aargauerdüütsch

Eile mit Weile (französischi Schwiiz: Hâte-toi lentement, italienischi Schwiiz: Chi va piano va sano) isch es Brättspiil, wo vor allem i de Schwiiz bekannt isch.[1] Dete gilt's sogar als eis vo de bekanntischte Brättspiil überhaupt. Es erinneret a s dütsche Spiil Mensch ärgere Dich nicht, wo ähnlich usgseht, aber vom Spiilbrätt her und au vo de Spiilregle andersch ufbaut isch.

Es git Spiilbrätter für bis zu vier Spiller und sogar setigi für bis zu sächs Spiller – letschteri sind aber eher seltä und mängisch findet me diä au nume uf dr Rücksyte vom Viererbrätt. Die Spiili mit Spiilbrätter uf Karton händ hützutags hüfig es Mühle-Spiil oder es Halma uf dr Rücksyte.

Einzelnachwiis[ändere | Quälltäxt bearbeite]

  1. David Parlett: The Oxford History of Board Games. Oxford University Press, Oxford u. a. 1999, ISBN 0-19-212998-8.