Eiger

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Eiger
Dr Eiger vo Nordweste us gsee

Dr Eiger vo Nordweste us gsee

Hechi 3'970 m ü. M.
Lag Bärner Oberland, Schwiz
Gebirg Bärner Alpe
Dominanz 2,21 km → Mönch
Schartehechi 356 m ↓ Nördligs Eigerjoch
Geografischi Lag 643520 / 15878146.5788888888898.00638888888893970Koordinate: 46° 34′ 44″ N, 8° 0′ 23″ O; CH1903: 643520 / 158781
Eiger (Schweiz)
Eiger
Typ Felsegipfel mit Schnee druf
Gstei Chalchstäi
Erschtbstygig 11. August 1858 dur dr Christian Almer, Charles Barrington und Peter Bohren
Normalweg über d Westflanke (ZS-)
Charte vo dr Umgääbig vom Eiger

Charte vo dr Umgääbig vom Eiger

f

Dr Eiger isch e 3'970 m ü. M. hooche Bärg in de Bärner Alpe. Er isch grad e chli nördlig vor em Hauptkamm vo de Bärner Alpe und stoot vollständig uf em Territorium vom Schwizer Kanton Bärn. Zämme mit em Mönch und dr Jungfrau dominiert dr Eiger d Landschaft vom zentrale Bärner Oberland. D Nordwestsite vo dene drei Gipfel, wo öbbe 3000 Meter vom Daal us ufstigt, isch äins vo de bekanntiste „Dreigstirn“ vo de Alpe. D Nordwand vom Eiger fasziniert d Bärgstiiger und au d Alpin-Läie. Die Wand vom Eiger isch uf dr ganze Wält bekannt, wil sich immer wider Dramene abgschbiilt häi, wo Bärgstiiger brobiert häi, dört uufezchlättere. Hüte ziet d Jungfraubahn mit iirem Dunell dur e Eigerfelse Turiste aa.

Bestiigig[ändere | Quälltäxt bearbeite]

D Erstbestiigig vom Eigergipfel isch de Grindelwalder Bärgfüerer Christian Almer und Peter Bohren gmeinsam mit irem irische Gast Charles Barrington glunge. Si sind am 11. August 1858 vo de Wengernalp über d Westflanke ufgstige. 1864 isch d Lucy Walker as ersti Frau uf em Gipfel gstande. Am 14. Juli 1871 isch de Christian Almer zäme mit witere Bärgfüerer wider uf de Gipfel gstige, dermol über de Südwestgrat. D Erstbestiigig über de Südgrat isch am 31. Juli 1876 em Brit George E. Foster, zäme mit de Bärgfüerer Hans Baumann und Ulrich Rubi glunge.

D Nordwand vom Eiger, wo öpe 1'650 Meter höch isch und als schwirig zum durchlättere gilt, wir au als «Mordwand» bezeichnet. Si isch vom 21. bis 24. Juli 1938 dur de Anderl Heckmair, de Ludwig Vörg, de Heinrich Harrer und em Fritz Kasparek erchlätteret worde. 1950 isch d Nordwand zum erste Mal vo de Östriicher Leo Forstlechner und Erich Waschak a eim einzige Tag, i 18 Stund, durtige worde. Em Schwizer Michel Darbellay isch 1963 di ersti Bestiigig im Alleingang vo de Wand glunge, und zwor uf de Heckmair-Route. Es Johr druf isch mit de Münchneri Daisy Voog di ersti Frau dur d Nordwand gstige. Im Februar 2008 hät de Ueli Steck d Wand i de Rekordzit vo 2 Stund und 47 Minute durchlätteret. Ebefalls sit em Februar 2008 halted de Daniel Arnold und de Stephan Ruoss de Rekord für Seilschafte und zwor mit 6 Stund und 10 Minute.[1]

Lidderatuur[ändere | Quälltäxt bearbeite]

Filmographii[ändere | Quälltäxt bearbeite]

Weblingg[ändere | Quälltäxt bearbeite]

 Allmänd (Commons): Eiger – Sammlig vo witere Multimediadateie

Fuessnoote[ändere | Quälltäxt bearbeite]

  1. Daniel Anker (Hrsg.): Eiger – Die vertikale Arena. 4. überarb. Uuflag. AS Verlag, Züri 2008 (S. 281ff)