Eiffelturm

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dä Eiffelturm

De Eiffelturm (frz. Tour Eiffel) isch s Wohrzeiche und eini vo de beliebteste Sehenswürdigkeite vo Paris.

Gschicht[ändere | Quälltäxt bearbeite]

De Name chunnt vom Erbauer, em Gustave Alexandre Eiffel. Säller hät en zur Weltusstellig 1889 baue lo, wo s Hundert-Johr-Jubiläum vo de Französische Revolotion gsi isch. Bis s Chrysler Building z New York fertig gstellt worre isch, isch de Eiffelturm s höchste Bauwerk gsi, wo vo Mänsche gmacht worde isch.

Eigetlig isch de Eiffelturm nit defür denkt gsi, stoh z blybe. De Eiffel hätt en 1909 widder mieße abriße und d Bevölkerig vo Paris hät nit bsunders viel Gfalle an em gfunde. Wyl de Turm aber (wäge siner Höchi) zimli nützlig für d Kommunikation gsi isch, hät mer en doch stoh lo.

Hütt isch de Eiffelturm s Wohrzeiche und eini vo de wichtigste Sehenswürdigkeite vo Paris.

Technischi Date und Zahle[ändere | Quälltäxt bearbeite]

De Eiffelturm isch uss 18.038 Metallteil mithilf vo 2.500.000 Niete vom 26. Januar 1987 bis 31. März 1989 zämmegsetzt worre. Er wiegt 10.010 Tonne, dodevo mache d Metalldeil etwa 7.300 Tonne us. Mit de Antenne isch er 324 Meter hoch und befindet sich uff de Koordninate 48º 51' 32''N 2º 17' 45''E.[1]

Statistik[ändere | Quälltäxt bearbeite]

Bsücherzahle vom Eiffelturm zwüsche 1989 und 2006.

De Eiffelturm wird immer meh züe-n-re Touristeattraktion. So hät er 2006 über 6,5 Millione Bsücher gha und d Tendänz stigt. Sit em Bau sin bis 2006 genau 236.445.812 Lüt uffegstyge. [2]

Anderi Bauwerke vom Gustave Eiffel[ändere | Quälltäxt bearbeite]

Au im alemannische Sprochruum hät s mindestens ei Bauwerch vom Gustave Eiffel: d'Ysebahnbruck über de Rhy zwüsche Etzwile (Kanton Thurgau) und em badische Singe. Hüt fahre dört allerdings keini Personezüg meh dure, sondern numme no Gieterzüg.

Quelle[ändere | Quälltäxt bearbeite]

(alli uff Französisch)

  1. Steckbrief vom Eiffelturm uff sinem Netzufftritt
  2. www.tour-eiffel.fr

Weblink[ändere | Quälltäxt bearbeite]

 Allmänd (Commons): Eiffelturm – Sammlig vo witere Multimediadateie