Äierstock

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Schematischi Darstellig: d Äierstöck (2), dr Äiläiter (1), d Gebärmueter (14)

Dr Äierstock – in dr medizinische Fachsprppche as Owar (vo lat. Ovarium) oder Oophoron (griech.) bezäichnet – isch e brimärs, wiibliges Gschlächtsorgan und Däil vom Reprodukzioonssüstem. As Gonade (Käimdrüese) entspricht si em Hoode vo de männlige Indiwidue. Im Äierstock wärde d Äizälle und wiibligi Gschlächtshormon broduziert.

Bi de Süüger[ändere | Quälltäxt bearbeite]

Dr Ufbau[ändere | Quälltäxt bearbeite]

Vorgäng im Äierstock wääred em Rifwärde vo dr Äizälle.

S Owar wird vom ene äischichtige isoprismatische Epithel, em Epithelium superficiale, überzooge. Es isch e modifizierti Tunica serosa, wo diräkt in die wissi Bindgwääbskapsle (Tunica albuginea) übergoot, wo drunder lit. S Gwääb vom Äierstock bestoot mäistens us ere ussere Rinde und em Mark inne nooch. Bi Ross si d Verheltniss umkeert und d Rinde isch in dr Middi.

In dr Äierstockrinde (Cortex ovarii, Zona parenchymatosa) si Follikel mit Äizälle din. Lang het mä dänggt, ass Fraue mit ere bestimmte Zaal vo Äizälle uf d Wält chieme,[1] und dass si wenn die ufbrucht si, unfruchtbar wurde, aber amerikanischi Forscher häi am Aafang vo 2012 zäigt, ass es in de Äierstöck Stammzälle git, wo Äizälle broduziere.[2]

S Äierstockmark, Medulla ovarii oder Zona vasculosa, bestoot us Bindgwääb und het Bluetgfäss, Lümfgfäss und Närvefaasere vom Plexus ovaricus.

Bi dr Frau ligge d Äierstöck im chliine Becki wo sich d Arteria iliaca communis däilt. Mä cha sä mit zwäi Finger (äine dur d Schäide, dr zwäiti dur d Buuchwand) abdaste. Nääbene si:

D Laag bi de vierfüessige Süüger[ändere | Quälltäxt bearbeite]

So wie s bim Embryo isch, lige bi de mäiste Kwadrupede (Vierfüesser) d Äierstöck hinder de Niere. Bi de Baarhuefer stiige d Äierstöck ab (Descensus ovarii), wie s au bi de menschlige Hoode bassiert. D Äierstöck lige bin ene witer hinde (kaudal) und mee uf e Buuch zue (ventral) vor em Iigang in s Becki. Bi Groossdier cha mä d Äierstöck rektal gspüüre.

Wie d Äierstöck aagmacht si[ändere | Quälltäxt bearbeite]

En Äierstock vom ene Schoof
1 Äierstock, 2 Terziärfollikel, 3 Ligamentum ovarii proprium, 4 Äiläiter, 5 Arteria und Vena ovarica im Mesovarium

D Äierstöck wärde dur drei Bänder befestigt, wo us Serosa bestöön:

D Versorgig vom Äierstock[ändere | Quälltäxt bearbeite]

D Bluetversorgig goot über d Arteria ovarica, diräkt us dr Aorta sälber. S wenöse Bluet fliesst über d Vena ovarica ab.

D Närve wärde über Faasere vom wegetative Närvesüstem versorgt. Si bilde an dr Arteria ovarica e Närvegflächt, dr Plexus ovaricus.

Chrankhäite und Funkzionsstöörige[ändere | Quälltäxt bearbeite]

En Entzündig vom Äierstock wird as Oopheritis bezäichnet. Si chunnt mäistens zämme mit Entzündige vom Äiläiter vor und wird denn as Adnexitis bezäichnet. E Verstopfig vo de abfüerende Bluetgfäss füert zun ere Owarialwenedromboose.

Dr Äierstock cha vo verschidnige Tumor befalle wärde. S Owarialkarzinom isch e bösartige Tumor, d Struma ovarii und dr Brenner-Tumor si guetartigi. Fibrom vom Äierstock chönne Buuchwassersucht begläite (Meigs-Syndrom). S Zystom isch e Drüesegschwulst, wo sich bin em e Sekrethoolruum bildet.

Ere Underfunkzioon vo dr Käimdrüese säit mä Hypogonadismus. Funkzionsstöörige si d Owarialinsuffiziänz, d Owarialzyste und s polyzystische Owarialsündrom. In dr Menopause hört dr Owarialzüklus uf. Wenn Hoodegwääb im Äierstock vorchunnt, bezäichnet mä das as Owotestis. Wenn sich d Äierstöck im Embryonalstadium nid entwigglet häi, isch das Gonadedysgenesii oder en Agonadismus. D Dermoidzyste isch en embryonali Feelentwigglig, won e Hoolruum entstoot, wo mit Oberhutgwääb überzooge isch.

Litratuur[ändere | Quälltäxt bearbeite]

  • Uwe Gille: Weibliche Geschlechtsorgane. In: F.-V. Salomon u. a. (Hrsg.): Anatomie für die Tiermedizin. Enke, Stuttgart 2004, ISBN 3-8304-1007-7, S. 379–389.

Fuessnoote[ändere | Quälltäxt bearbeite]

  1. www.wissenschaft.de: Keine Neubildung von Eizellen - Studie kann im Jahr 2004 aufgestellte Theorie, dass Frauen im Lauf ihres Erwachsenenlebens neue Eizellen bilden können, nicht bestätigen
  2. Marieke Degen: Das Ende eines Dogmas - US-Forscher finden Stammzellen im Eierstock. In: dradio.de, Deutschlandfunk, Forschung aktuell, 29. Februar 2012 (2. Merz 2012)

Weblingg[ändere | Quälltäxt bearbeite]

 Commons: Äierstock – Sammlig vo Multimediadateie
Information icon.svg Dä Artikel basiert uff ere fräie Übersetzig vum Artikel „Eierstock“ vu de dütsche Wikipedia.

E Liste vu de Autore un Versione isch do z finde.