Dr Rächtsbegriff "Eidgenosseschaft"

Us der alemannische Wikipedia, der freie Dialäkt-Enzyklopedy

D Eidgenosseschaft as abstrakte Rächtsbegriff us em Middelalter und dr früehje Neuziit bezeichnet e politische Bund vo gliichberächtigte Gnosse. Si wird abgschlosse mit eme Eid, wo im Name vo Gott gschwore wird. Si cha ziitlig begränzt oder für 'alli Ewigkeit' gültig si. Wil d Bündnispartner gliichberächtigt si, stoht d Eidgenosseschaft im Gegesatz zur Feudalherrschaft mit ihrer hierarchisch-asymmetrische Organisation.

Eidgenosseschafte kennt me us em alemannische Ruum. Die gschichtlig erfolgriichsti isch die schwiizerischi Eidgenosseschaft, wo dr Nochfolger drvo dr modärn Schwiizer Bundesstaat isch. Dr Legände noch isch dr Bund 1291 uf em Rütli beschwore worde, dr Bund isch aber e chlii elter. Er isch im August 1291 schriftlig mit em sogenannte Bundesbrief erneueret und besiiglet worde und no einisch im Bund vo Brunne 1315.

Lueg au[ändere | Quälltäxt bearbeite]