Edwin Röttele

Dr Edwin Röttele (* 4. Juli 1928 z Wyhl; † 13. Februar 2017 z Markdorf) isch e dytsche Lehrer un Haimetautor gsii.

Lääbe

Dr Röttele isch di erschte Johr z Wyhl ufgwagse un derno ab 1940 uf s Gimnasium z Konschtanz. In dr letschte Johr vum Zweete Wältchrieg, 1944/45 het er as Luftwaffehälfer z Friedrichhafe un z Manching bi Ingolstadt mieße diene. Noch em Chrieg isch er wider uf d Schuel un het anne 1947 s Abitur gmacht. Derno het er an dr Universitet Fryburg Klassischi Filology, Germanischtik un Filosofy studiert un anne 1952 mit em erschte Staatsexame abgschlosse. Ab 1954 isch er im Schueldienscht gstande, aafangs z Kähl, speter am Gymnasium Schloss Overhagen z Lippstadt, Westfalen, ab 1963 isch er dert Schuellaiter gsii. Anne 1973 isch er retuur chuu an Bodesee un isch Schuellaiter z Markdorf wore. Vu 1978 bis zue syre Pensionierig 1990 isch er Schueldiräkter vum Droste-Hülshoff-Gimnasium z Meersburg gsii.

Är isch ghyrote gsii mit dr Mechthild geb. Pieper. Mit syre Frau un dr gmainsame Chinder het er z Markdorf gläbt. Am 13. Februar 2017 het er syni Auge fir immer zuegmacht.

Är het Gedicht im alemannische Dialäkt vu Wyhl gschribe un derzue verschideni Publikation zue dr regionale Gschicht un Kultur vu Wyhl un vum Bodesee.

Wäärch

• Wyhl im Wandel (1985; 2. Band vu dr Ortschronik)
• 250 Jahre Seminar Meersburg (1985)
• Simon Rösch/Roland Peter Litzenburger/Bruno Müller. In: Markdorfer Begegnungen (2000)

Derzue het er syter 1991 fir s Jahrbuch des Landkreises Emmendingen verschideni Ufsätz zue dr Gschicht vu Wyhl gschribe.

Weblink

• Edwin Röttele uf dr Websyte vun Harald Noth mit Täxtprobe vu syne alemannische Gedicht
• Zum Tode von Edwin Röttele, Lippstadt am Sonntag, 26. Februar 2017