Edi Bär

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

De Edi Bär (* 17. Oktober 1913 als Edwin Bär z Ötwil am See; † 11. Februar 2008) isch en Schwiizer Kapällmäischter, en Komponischt und en Klarinette- und Saxofonspiler us Mänidorf gsi. Er hät Ländler gspilt. Scho won er 12i gsi isch, hät er agfange Mandoline z spile und es Jaar spööter Klarinette. Säb hät er au am Konservatorium z Züri gstudiert. Won de Edi Bär zwänzgi gsi isch, hät er d Ländlerkapäle Edi Bär gründet. Er hät öppe 500 Tänz komponiert. De bekanntischti isch de Schottisch Puurechilbi. Anderi bekannti Stückli sind de Geburtstags-Schottisch, s Polka-Lied Bärghäimet und s Walzer-Lied I suech e Maa. Beed Lieder sind vo de Gschwüschterti Pfänniger gsungen worde. De Edi Bär hät aber au für Blasmusige komponiert und Chilemusig für Klarinette und Orgle.