Dyaus

Us der alemannische Wikipedia, der freie Dialäkt-Enzyklopedy
Hops zue: Navigation, Suech

De Dyaus oder Dyaus Pita (Sanskrit: द्यौष् पिता Dyauṣ Pitā m. »Vatter Himmel«) isch im Vedismus der Himmelgoot, wo immer zäme mit de Erdmuetter Prithivi agruefe werd.

Im Rigveda sind em göttliche Paar Dyava-Prithivi (»Himmel-Erde«) sechs Hymne gwidmet. Si wered as "Vättere", "Müettere" oder "Eltere" vo allne Wese bizaichnet und as soomeriiche Stier und Chue bischribe. Zu erne Chind ghöret vili Naturgötter, so de Regegott Parjanya, de Sunegott Surya und d Ushas, d Göttin vom Morgeroot. De Dyaus isch waise, fründlich gsinnt und schützt all Wese. Im jüngere Hinduismus spillt de Dyaus kai Role mee.

»Da söll, Himmel-Erde, woor werde,
Vatter, Muetter, wani do an oi seg:
Weret di Nöchste vo de Götter mit Hilflaistige
e mit Naarig verseeni fraigebigi Gmaind wömmer!« Rigveda I,185,11

De Dyaus Pita goot uf de indoeuropäisch Himmelgott *Dyēus ph2tēr zrugg, wo au im griechische Göttervatter Zeus und im römische Jupiter witterlebt. Degege ghört de germanisch Chriegsgott Ziu/Tyr nöd do ane.

Büecher[ändere | Quälltäxt bearbeite]

  • Hans Wilhelm Haussig (Hg.): Götter und Mythen des Indischen Subkontinents. Stuttgart: Klett-Cotta (1984). ISBN 3-12-909850-X