Diskussion:Medizin

Naturhailkund

Zita «au wenn die alternativi Medizin Mittel (meischt pflanzlichi) awändet, wo vielfach naturwüsseschaftlig d Wirkig nit chan nochegwiise wärde. Dennoch sind Patiente und Patientinne nachwiislich v.a. bii liechtere Erchrankige und Verletzige mit Naturheilmittel gheilt worde.»

Des hert sich fir mi aa wie ne zimlige Widerspruch. Isch jetz d Wirkig noogwiise oder nit? Sovil ich waiß, isch bi dr maischte Naturhailmittel ebe grad kai Wirkig noogwiise, aber ich bii kai Expert uf däm Thema un loss mi gärn vum Gegedail iberzyge :-).

--Holder (Diskussion) 08:24, 6. Nov. 2012 (MEZ)

das sött haisse: ....nachwiislich v.a. bii liechtere Erchrankige und Verletzige mit Naturheilmittel wider gsund worde. - was sicher woor isch, wil mä bi lichtere Chrankhäite au ooni ärztligi Hilf wider gsund wird, was jo grad d Definizioon von ere liichtere Chrankhäit isch. Für die Alternative isch das im Allgemäine e schlüssige Bewiis drfür, ass iiri Middeli hälfe. Andi d (Diskussion) 12:05, 6. Nov. 2012 (MEZ)

So isch es nitt gmeint, ich ha scho vielfach ghört und gläse, dass Lüüt z.B. bi liechtere Gebräche wie Rücke- oder anderi Schmerze von der klassische Medizin nitt händ chönne gheilt wärde, hingege denn nachher von der alternative. Das darf me doo im Artikel nitt vernachlässige, suscht macht me die a. M. so schlecht, wie sie in der Realität nitt isch. Neutral richtig isch einzig, dass naturwüsseschaftlichi Wirkigs-Nachwiise in der Regel nit möglich sind. Bitte noch d Sichtig vornäh, Danke--62.202.225.216 05:34, 11. Nov. 2012 (MEZ)

I ha grad glääse, ass si an dr Zürcher Uni e Leerstuel für alternativi Medizin ufdoo häi und käi Brofässer finde drfür, wo mä d Brofessur von em wüsseschaftlig cha verdräte. Andi d (Diskussion) 20:59, 11. Nov. 2012 (MEZ)

Luege z. B. do: Alternative Heilverfahren an Hochschulen. Wissenschaft in homöopathischen Dosen (Süddeutsche Zeitung, 31.10.2012)

Das widerspricht minere Uussag au im Artikel nit, ich schriibs ja soo, aber gliichziitig gitts ebe au Heilerfolge - wiitere Bewiis: Suscht wäre d Naturheiler längscht vom Markt verschwunde! S isch nonig alles wisseschaftlich bewiisbar hüt. Chönntsch s noch sichte? Gruess --62.202.225.139 06:38, 19. Nov. 2012 (MEZ)