Diskussion:Hauptstadt

Schwizer Houptstadt

Also d schwizer Houptstadt isch immer no Bärn, obzwar's angeri Stedt mit mê Îfluss git. :D --Sz 15:00, 27. Jul 2005 (UTC)

Nei äs isch tatsächlich so, d Schwiiz hät kei Hauptstadt! Bärn isch d Bundesstadt aber juristisch gseh nöd d Hauptstadt. Meh däzu hiä. --Andel 14:20, 1. Aug 2005 (UTC)

Nit no Suveräne Schtaate hond a Hauptschdatt

I Deitschland ond vermuatlich au en Esterreich hond au D'Bundeslender a Hauptschdatt. Sogar bei de Regierungsbezirk spricht mer dailweis vo Hauptschdätt. Au i de Schweiz geits vermutlich Hauptstätt: so isch zom Beischbiel Frauefeld d'Hauptschdatt vom Kanto Thurgau, wemmer de deitsche Wikipedia glaube mag.

D.h. di Definitio em Artikel basst no nit ganz ond mer sott se anpasse.

Au em deitsche Wikipedia isch dii Definitio übrigens falsch. --Jocme 16:00 22. Apr. 2010 (MESZ)

momoll, die Definition stimmt scho. D Schwiizer Kantöön und die dütsche Bundesländer sin au souveräni Staate. Eifach wird ihri Souveränität dur d Bundesverfassig resp. s Grundgsetz ygschränggt. Dütschland und d Schwiiz sin Bundesstaate, währenddäm z.B. Frankriich e Einheitsstaat isch mit Hauptstadt Paris, und in de Departements hetts ke Hauptstedt, nume Verwaltigsort. --Dr Umschattig red mit mir 16:08, 22. Apr. 2010 (MESZ)

Au dees war abr a schnelle Antwort. Jetzet isch mer des aber ganz nei, dass D'Bondeslender au suvereen send. Des kah mr meinetwege so vertrete, abr wemmer d'Mensche uf de Schdraß frogt, derfted di meischde des wohl verneine, sofern se wissed was "suvereen" hoaßt (und me sollt sich hier doch ehner a de normale Bedeutung und net a de juristische Definitione orientiere?).

Des Beischbiel med Frankreich basst schaint's au ned ganz. Em Artikel über Paris schdoot zom Beischbiel dass Paris d'Hauptschdadt vo de Il de Frans sei. Em Artikel über Strassburg schdoot dass Schdrasburg d'Hauptschdadt vom Elsass sei. De Sprochgebrauch isch do also au andersch. --Jocme 16:32, 22. Apr. 2010 (MESZ)

Zu dinere erschte Frog: Nei! Es goht überhaupt nöd drum, de Mönsche uf de Schtroos z beschtätige, was si eh schon (meine) z wüsse. En Enzyklopädii hät d Ufgabe Wüsse darzschtelle, so wi s (au juristisch) isch - nüd anderscht. Es schadet jo niemet, wenn er bim Läse vo Wikipedia-Artikel öppis nois lehrt ;-) --Brian :  DISKU  21:10, 22. Apr. 2010 (MESZ)

Ich deet im Artikel beides darstelle, di amtlig-juristisch Bedytig un di alldagssprochlig. Dää Artikel isch sowiso zimli mickrig un chennt e Uuswytig guet verdrage. --Holder 21:18, 22. Apr. 2010 (MESZ)

Im Artikel heissts übrigens "Sitz vodä Värtretig vom Suverään vomnä Staat", nit d Vertretig vumene souveräne Staat. Einewäg isch es kei bsunders klari Definition. --Chlämens 08:46, 23. Apr. 2010 (MESZ)

Des hanne au nit gmaint, dammer no "d'Mensche uf de Stroß" bstätige sott. Abr hier isch doch d'allemanisch Wikipedia und s'Allemanisch isch di Sproch, di vo de Mensche uf de Stroß gschwätzt wird ond net vo de Jurischte ufgschribe. Deshalb sott mr (mai Mainung), wennmr d'Bedeitung vomma Begriff erleitert, denn Begriff au so erleiterre wia en di meischte Mensche di alemannisch schwätzet au verschdond. Ond i han ja au gnuag Beischbiel aus'm alemannische Wikipedia gnennt, wonebba vo Hauptstädt vo Verwaldongsbezirk gschribbe wird. (Des koht ibrigens im deitsche Wikipedia au aso vor). Di Definitio em englische Wikipedia (capitol) scheint mr da ehner de hiisiga Verwendung vom Begriff Hauptstadt z'entsprecha. Wenn's a juristische Definitio vom Begriff Hauptstadt geit, ka mer dia ja au ufnea. Am deitsche Dude allai sottet mir ons abr it orientiira!? I han am Artikel au blos nix direkt ändere wella, weil i den Unterdialekt, der em Artikel vorkoht net selber guat schreiba kah --Jocme 14:11, 23. Apr. 2010 (MESZ)

Wenn de e Artikel kumplätt neu schribsch, no darfsch en in dii Dialäkt übbersetze (lüeg WP:FAD) un bi Ergänzige chasch au in dinem eigene Dialäkt witerschriibe. Mr dete uns freue, wenn de de Artikel verbessere un erwitere detsch! Dass d'Lüt im alemannische Sprochgebiet de Begriff "Hauptstadt" anderscht bruuche wie sust neume z Dütschland odder in de Schwiz, glaub i abber chuum. --Strommops 15:01, 23. Apr. 2010 (MESZ)

Mer sött uff jede Fall die wüsseschaftlich Definition erkläre, un deno was de Begriff im Volksmund meint. Dass au bi üs die nit-juristischi Verwändig vorchunt, isch en Fääler. Es git warschynts in jederer Sprooch en Unterschid zwüsche däm was mer im Alltag meint, un des was mer im akademische Diskurs meint, wemmer uff gnaui Definitione acht git. Die wüsseschaftlich Definition vunere Theori, un des was mir im Alltag demit meint, isch no en Byspil. Des isch aber kei Eigeart vum Alemannische, des gits überall. Un wie überall sötte mir möglichscht d akademischi Definition bruuche. Mir schrybe schliessli uffeme wüsseschaftliche Niveau. Verglych zum Byspil d Definition vumene Dialäkt bi üs, un uff de dütsche Wikipedia. Des bi üs isch d Definition vo dr moderne Linguistik, des uff dr dütsche isch d Defintion "vo de Stroos"; de dütsche Artikel het also warschynts öber gschrybe, wo sich nit so guet usskennt. --Chlämens 10:43, 24. Apr. 2010 (MESZ)

I hab jetzt de Artikl a weng ergenzt und "Definition" au a weng abgschwecht, soddass se besser zum tatsächlicha Gebrauch basst und au kai richtig Definition mee isch. A wisseschaftliche Definition vo dem Begriff "Hauptstadt" hanne nit gfunda und glaub au aigentlich it, dannes so ebs gibt. Deshalb hanne dadezua nix gschriiba. Di Mainung dass no Staate Haupstädt hond, hanne no em deitsche Wikipedia (on kopierta) Artikl zu de Hauptstadt und em Duda Universalwerterbuch gfonda. D falsche Aischränkung im Duda isch wohl de Kürze gschuldet, i andre Lexikon lisst mr des andersch. Di Defintion im Wikipedia wirkt au net wirklich iiberzeigend, weil scho im selba Artikel vo "Hauptstadt von Subentitäten" gredt wird (vo dert hanne di Schilderung zu de Hauptert i de Schweiz iibernomme). Dazuanah geits au no en Artikl zu "Hauptorte" em deitsche Wikipedia wo de Begriff "Hauptstadt" nomoal, ehner so wie ich en verstandt definiert wird.

Allerdings schaint d'Hauptstadtfrag i de Schweiz ainigermaße diffiziil zum sai, weshalb i verstand dammers dert da gern a weng gnauer nimmt. Wenn epper a guate Quell firr a gnaue Definition het, wer des natiirlich it schlecht ond mr kennt dia dann au guat eibringa.

I schlag au vor, dammer kain extra Artikel zu Hauptort machet, sondern dammer dess zum Hauptstadt-Artikel verlinket und evtl. de Artikel no a wengle abasset. Wia kennt mr des bewerkstelliga? --Jocme 02:27, 1. Mai 2010 (MESZ)

Titelvorlag

I wär defür, as me d Titelvorlag wider ine tuet. S Lemma werd i de erste Zyle mit Haupstadt bezaichnet. I dänk, as es üblich isch, as mer s erste t verschlucke tuet → Haupstadt oder Hopstadt. Im Gegesatz zu Hauptort oder Hoptort, wo s t zur Bindig bruucht werd. Gruess --Schofför (Diskussion) 11:14, 10. Feb. 2014 (MEZ)

Do haan i mi verläse ghaa, ich haa "Hauptstadt" gläse. Di alt Titelvorlag isch im Ibrige "Hauptstadd" gsii, wäge däm haan i s iberhaupt gänderet. --Holder (Diskussion) 18:30, 10. Feb. 2014 (MEZ)

Kai Problem ;-) Es chunnt im 5. Satz zwaimol Hauptstadd und im 6. Satz Hauptstadt vor. Me händ aso fascht alles, wo mögli isch im Artikel. Worschinli cha me uf de Strooss hützutags au alles ghöre. --Schofför (Diskussion) 19:22, 10. Feb. 2014 (MEZ)

Extärni Link gänderet

Sali Mitautore,

Ich haa 1 extärni Link uf Hauptstadt gänderet. Nämen ich bittschen e Momänt un luege no mym Edit. Wänn Ihr Froge hän, oder wänn dr Bot d Link oder di ganz Syte soll ignoriere, gehen bitte uf die FaQ-Syte fir mee Infiormatione. Ich haa die Änderige gmacht:

• s Archiv https://web.archive.org/web/20131005194308/http://www.lrasbk.de/landkreis/staedte-und-gemeinden.html in http://www.lrasbk.de/landkreis/staedte-und-gemeinden.html yygfiegt

Wänn Ihr fertig sin mit em dureluege vu myne Änderige, chennen er no dr Aawysige in dr Vorlag unte no Fähler flicke.

Cheers.—InternetArchiveBot (Fehler melden) 06:13, 9. Sep. 2017 (MESZ)