Diskussion:Banane (Frucht)

Ich fänd s guet, wämer unter däm Stichwort nume di sieß Frucht bschrybt, wu im dytschsprochige Ruum zmaischt nume 'Banane' gnännt wird. Zue dr Art Musa × paradisiaca ghert nämlig au d Chochbanane. No chennt mer unter 'Banane' d Art bschrybe un di jetzig Begriffsklerig uf 'Banane (Begriffsklärung)' verschiebe. --Holder (Diskussion) 09:46, 16. Jun. 2015 (MESZ)

S git jetz au Ardikel über d Chochbanaane und über d Gattig vo de Banaane. Andi d (Diskussion) 09:49, 16. Jun. 2015 (MESZ)

Im erschte Momänt hani au dänkt, me möösst de Artikel uf Banane verschiebe - wills dä Begriff isch, wo im Alltag üblicher isch. Aber jetzt hani gsee, as es s gliich Problem au bim Öpfel und Kulturöpfel git (vgl. au Kulturapfel vs Äpfel). Kulturöpfel und Dessertbanane sind för mi total neuji Begriff - aber da haisst jo no lang nünnt, i han vor minere Wiki-Zit au no nie öpis vom Alperhii ghört, obwohl i scho mängs Johr im Rhintel me oder weniger nöch am Rhii läb. Wänn da Fachusdrück sind, wo im dütschsprochige Ruum üblich sind (und uf de de-Wiki au so verwänded wärded), so chames au do bruuche. Me mos halt hi und do luege, öb d Verchnüpfige (Verlinkige) uf d Begriffsklärig nöd besser uf es anders Lemma glänkt wärde söttid. Gruess --Schofför (Diskussion) 23:02, 16. Jun. 2015 (MESZ)