D Kunst vom Chrieg vom Niccolò Machiavelli

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
En änglischi Übersetzig vom Machiavelli sim Wärk us em Joor 1573. D Arte isch sis äinzige historische oder politische Wärk gsi, wo zu sine Läbzite im Druck erschiine isch.

Über d Kunst vom Chrieg oder im Original Dell’Arte della Guerra vom Niccolò Machiavelli isch en Abhandlig über Taktik, Strategii, Politik und hauptsächlig s Milidäärwääse, wo zwüsche 1519 und 1520 entstande isch.

Dr Machiavelli het das Wärk für sis wichdigste ghalte. Es wird aber, vergliche mit andere vo sine Wärk wie Der Fürst oder d Discorsi weniger glääse.

Dr Inhalt[ändere | Quälltäxt bearbeite]

Im Machiavelli si Kunst vom Chrieg isch in ere Zit entstande, wo Italie vo Chrieg, Intrige und usländische Bsetzer brägt worde isch. Dr Machiavelli het glaubt, ass d Laag vo sim Land hauptsächlig uf Fääler vo dr politische und milidärische Füerig zrugggoot.

D Arte cha mä in zwäi Däil iidäile, wo sich iirem Inhalt noch underschäide: e milidäärisch-taktischi Abhandlig und e politischi. Im erste Däil beschribt er under anderem die verschiidene Mögligkäite, wie mä en Armee in Zite vo Chrieg und vo Friide cha iisetze. So mäint er zum Bischbil, ass mä sä gliichermaasse as Middel zum Eroobere cha verwände, zum Schutz, zum d Bevölkerig z beruejige und zum dr Fürst und d Gsetz z understütze. Die politische Ideä, won er im zwäite Däil vom Buech behandlet, si im Groosse und Ganze äänlig zu dene in de Discorsi und im Fürst.

Litratuur[ändere | Quälltäxt bearbeite]

  • Gesammelte Werke: Vom Staate, Vom Fürsten, Geschichte von Florenz, Die Kunst des Krieges, Kleine Schriften, Komödien, Dialog über die Sprache, Die Belfagor-Novelle. Zweitausendeins, 2. Uflage 2006. ISBN 3861507749 / Dörfler, Eggolsheim 2011, ISBN 3895557021