Dennis Ritchie

Us der alemannische Wikipedia, der freie Dialäkt-Enzyklopedy
Dennis Ritchie bi de Verleihig vum Japan-Priis 2011
Ken Thompson (links) und Dennis Ritchie (rechts)

De Dennis MacAlistair Ritchie (* 9. September 1941 i Bronxville, New York; † am 12. Oktober 2011 i Berkeley Heights, New Jersey (tot uufgfunde)) isch en amerikanische Informatiker gsi. Er het zeme mit em Ken Thompson und anderne di erscht Version vu Unix-Betriebssystem entwicklet[1][2] und s erste Unix Programmer’s Manual gschribe.[3] Zeme mit em Thompson und em Brian W. Kernighan entwicklet er d Programmiersprooch C.[4] Kernighan und Ritchie schrieben gemeinsam das Buch The C Programming Language, weles hüüfig mitem Chürzel „K&R“ zitiert wird. Bekannt und berüehmt sind au sini Initiale „dmr“, wo de Ritchie als Benutzername fürd System Login brucht het.

Lebe[ändere | Quälltäxt bearbeite]

De Dennis Ritchie isch am 9. September 1941 als Sohn vum Alistair E. Ritchie gebore worde. Er het a de Universität Harvard Physik und agwendeti Mathematik studiert. 1968 isch em für sini Dissertation Program Structure and Computational Complexity de Doktorgrad (änglisch Ph.D.) vu de Universität Harvard verleiht worde.[5]

Ab 1967 het de Ritchie i de Bell Telephone Laboratories (churz „Bell Labs“) im Computing Sciences Research Center gschaffet. Er het sich mit Multics, BCPL, ALTRAN und schlussendli mit de Programmiersprachene B und C sowiä de Betriebssystem Unix und Plan 9 beschäftigt. Zletscht isch er de Leiter vu de Forschigsabteilig für System-Software bi Lucent Technologies/Bell Labs gsi.

2007 isch de Ritchie in Ruehstand gange und het ab un zue mal witerhin als Berater gschaffet.[6]

De Ritchie isch 2011 im Alter vu 70 Johre i sim Huur tot ufgfunde worde, d Todesursach isch unklar.[7][8]

Uuszeichnige[ändere | Quälltäxt bearbeite]

Zeme mit em Ken Thompson het er 1983 de Turing Award erhalte, 1990 d Richard-W.-Hamming-Medaille vum IEEE, 1999 d National Medal of Technology. 2005 isch de Ritchie mit em IRI Achievement Award vum Industrial Research Institute uuszeichnet worde.[9] 2011 het er de Japan-Priis für d Entwicklig vo Unix und C übercho.[10]

Werch[ändere | Quälltäxt bearbeite]

Weblinks[ändere | Quälltäxt bearbeite]

 Commons: Dennis Ritchie – Sammlig vo Multimediadateie

Einzelnachwiis[ändere | Quälltäxt bearbeite]

  1. Matthias Kremp: 40 Jahre Unix. Spiegel Online. 18. August 2009. Abgrüeft am 16. Oktober 2011.
  2. The famous PDP-7 comes to the rescue (Englisch) Bell Labs. Archiviert vom Original am 2. April 2014. Abgrüeft am 26. Oktober 2011: „It did not take long, therefore, for Thompson to find a little-used PDP-7 computer with an excellent display terminal,“ Ritchie explained. „He and I rewrote 'Space Travel' to run on this machine.“
  3. K. Thompson, D. M. Ritchie: Unix Programmer's Manual (Englisch) Lucent Technologies. 3. November 1971. Archiviert vom Original am 6. September 2014. Abgrüeft am 18. Oktober 2011.
  4. Dennis M. Ritchie: The Development of the C Language (Englisch) Lucent Technologies. 1993. Abgrüeft am 20. November 2011.
  5. Dennis M. Ritchie: Dissertation: Program Structure and Computational Complexity (Englisch) Harvard University. 1968. Abgrüeft am 13. Oktober 2011.
  6. Benny Evangelista: Ken Thompson, Dennis Ritchie win Japan Prize (Englisch) San Francisco Chronicle. 25. Januar 2011. Abgrüeft am 4. September 2011.
  7. Unix creator Dennis Ritchie dies aged 70 (Englisch) BBC News. 13. Oktober 2011. Abgrüeft am 13. Oktober 2011.
  8. Steve Lohr: Dennis Ritchie, Trailblazer in Digital Era, Dies at 70 (Englisch) The New York Times. 13. Oktober 2011. Abgrüeft am 14. Oktober 2011.
  9. Industrial Research Institute Presents 2005 IRI Achievement Award to Dr. Dennis M. Ritchie. Insutrial Research Institute. 14. November 2005. Archiviert vom Original am 22. November 2012. Abgrüeft am 17. Oktober 2011.
  10. Japan-Preis für UNIX-Entwickler. heise online. 25. Januar 2011. Abgrüeft am 4. September 2011.
Dä Artikel basiert uff ere fräie Übersetzig vu dere Version vum Artikel „Dennis_Ritchie“ vu de dütsche Wikipedia. E Liste vu de Autore un Versione isch do z finde.