Zum Inhalt springen

Delphine Cascarino

Us der alemannische Wikipedia, der freie Dialäkt-Enzyklopedy
Delphine Cascarino
D’ Delphine Cascarino zamma
mìt’m Olympique Lyonnais ànna 2019
Personalia
Wänn uf d Wält choo 5. Hornung 1997
Wo uf d Wält choo Saint-Priest, Frànkrììch
Größi 1,67 m
Position Schtìrmera
Junioren
Johr Station
2006–2007 AS Saint-Priest
2007–2009 AS Manissieux-Saint-Priest
2009–2015 Olympique Lyonnais
Herre
Johr Station Spil (Tor)1
sitter 2015 Olympique Lyonnais 156 (34)
Nationalmannschaft
Johr Uuswahl Spil (Tor)2
2002 Frànkrììch U-16 5 (1)
2012–2013 Frànkrììch U-17 17 (0)
2015–2016 Frànkrììch U-19 23 (6)
2016 Frànkrììch U-20 7 (2)
2016 Frànkrììch 44 (11)
1 Aagää sind nur Ligaspiil.
Stand: 27. Nowamber 2020

2 Stand: 27. Nowamber 2020

Dialäkt: Mìlhüüserdiitsch

D’ Delphine Cascarino LL-Q150 (fra)-Mathieu Kappler-Delphine Cascarino.wav (* 5. Hornung 1997 z’ Saint-Priest bii Lyon) ìsch a frànzeescha Füassbàllschpìelera. Àls rachta-n-Üüssaschtìrmera schpìelt sa sitter 2015 biim Olympique Lyonnais. Mìt dam Verain hàt sa mehrmols d’ UEFA Champions League so wia d’ frànzeescha Maischterschàft un dr Frànkrììch-Pokàl gwunna. Sitter 2016 ìsch sa àui Mìtglìed ìn dr frànzeescha Nàzionààlmànnschàft. Vorhar ìsch sa Mìtglìed ìn da Nàzionààlmànnschàfta vu da Junioora gsìì. Mìt dr Nàzionààlmànnschàft vu da U-17 ìsch sa ànna 2012 Waltmaischtera worra, un mìt dr Nàzionààlmànnschàft vu da U-20 ìsch sa ànna 2016 bis àm Andschpìel vu dr Waltmaischterschàft glunga.

ìhra Laawa un Kàrriar[ändere | Quälltäxt bearbeite]

ìhra Kìnderjoohra[ändere | Quälltäxt bearbeite]

D’ Delphine Cascarino ìsch ànna 1997 ìn dr Schtàdt Saint-Priest bii Lyon uff d’ Walt kumma. Ìhr Vàtter schtàmmt vum Itàlia un ìhra Müatter üss’m frànzeescha-n-Ìwwerseegebiat Guadeloupe. Uffgwàcksa-n-ìsch d’ Cascarino ìn ìhrer Geburtsschtàdt.[1] Sa ìsch d’ Zwìllìngsschwaschter vu dr Estelle Cascarino, wo-n-eewafàlls ìn dr frànzeescha Füassbàllnàzionààlmànnschàft schpìelt.[2][3]

Verainskàrriar[ändere | Quälltäxt bearbeite]

Ìn ìhra Kìnderjoohra hàt d’ Cascarino ìn ìhrer Haimetschtàdt fànga-n-àà Füassbàll schpìela. Sa ìsch z’äärscht vu 2006 bis 2007 biim Verain AS Saint-Priest gsìì, un drnooh biim AS Manissieux-Saint-Priest bis 2009. Doo druff hàt bis 2015 sa àls Junioora biim Verain Olympique Lyonnais gschpìelt. Sitter 2015 ìsch sa àls Berüafsschpìelera biim Olympique Lyonnais ìn dr Liga D1 täätig.

lili rere
D’ Cascarino vor àm Andschpìel vu dr Champions League 2018/19

Zamma mìt dam Verain hàt sa sìewa Mol d’ frànzeescha Maischterschàft gwunna: ànna 2015, 2016, 2017, 2018, 2019, 2020 un 2022. Numma ànna 2021 hàt dr Olympique Lyonnais s’ Andschpìel geega dr Paris Saint-Germain verloora. Dr Frànkrììch-Pokàl hàt sa fìmf Mol gwunna: ànna 2015, 2016, 2017, 2019 un 2020. Dr Pokàl vu da Maischterinna hàt sa eewafàlls ànna 2019 geega dr Paris Saint-Germain gwunna. Züadam ìsch d’ Cascarino zamma mìt Lyon säcks Mol Siigera bii dr UEFA Champion’s League gsìì: ànna 2016, 2017, 2018, 2019, 2020 un 2022. Àm Andschpìel vu dr Champion’s League 2020 ìsch sa zem Bäschta Schpìelera-n-ärkläärt worra un hàt àlso 50.000 Öiro bikumma. Dia Summa hàt sa ìn’ma Verain z’ Lyon gaa, wo Schport fìr d’ Maidla un junga Fràuija färdert.[4][5]

Ìm Mai 2021 hàt d’ Cascarino ìhra Vertrààg biim Olympique Lyonnais fìr dräi Joohra verlängert.[6]

ìn dr Nàzionààlmànnschàft[ändere | Quälltäxt bearbeite]

Mìt 15 Joohra-n-ìsch d’ Cascarino Mìtglìed ìn dr Nàzionààlmànnschàft vu da U-16 gsìì. Ànna 2012 ìsch sa nominiart worra, fìr àn dr Waltmaischterschàft vu da U-17 mìtmàcha. Ìn fàscht àlla Schpìeler ìsch sa Fäschtschpìelera gsìì. Noh dr unäntschìeda Viartelfinààla geega Nigeria (0–0) ìsch ìhr a Toorschuss glunga.[7] Noh-n-em untäntschìeda-n-Andschpìel geega s’ Nordkoreà-n-àm 13. Oktoower (1–1) ìsch ìhr nochamol dr Toorschuss glunga; s’ Frànkrììch ìsch Waltmaischter worra.[8]

Ìm Sommer 2016 hàt d’ Cascarino zamma mìt dr Nàzionààlmànnschàft vu da U-19 àn dr Öiropäischa Maischterschàft ìm Sloweenia gwunna. Àm Andsjoohr 2016 ìsch sa nominiart worra, fìr àn dr Waltmaischterschàft vu da U-20 ìm Papua-Näiguinea mìtmàcha. Àn dr Viartelfinààla geega s’ Diitschlànd hàt sa s’ ainziga Toor ìm Schpìel gschossa. D’ frànzeescha Mànnschàft ìsch jedoch àm Andschpìel vum Nordkoreà gschlààga worra (3–1). Fìr ìhra Laischtung wahrend dr Waltmaischterschàft ìsch d’ Cascarino mìt’m Bronza-Bàll üüsszaichent worra.

Àm 21. Oktoower 2016 hàt d’ Cascarino zem äärschta Mol mìt dr A-Nàzionààlmànnschàft gschpìelt. ’S ìsch a Frììndschàftsschpìel geega-n-Anglànd gsìì; doo ìsch sa Ärsàtzschpìelera gsìì un ìsch numma 10 Mìnüüta làng uff’m Schpìelfald gsìì. Ìhr äärschter Schpìel àls Fäschtschpìelera ìsch àm 9. Àwrìl 2018 geega Kànàdà gsìì —’s ìsch nochamol a Frììndschàftschpìel gsìì. Ìhra äärschta Toor zamma mìt dr A-Nàzionààlànnschàft hàt sa ìn ìhrem säckschta Schpìel àm 10. Nowamber 2018 geega Bràsilia gschossa. Ìhra äärschta Doppeltoor hàt sa àm 8. Àwrìl 2019 wahrend’ma Frììndschàftsschpìel geega Däänmàrk gschossa.

Àm 2. Mai 2019 ìsch d’ Cascarino fìr d’ Waltmaischterschàft vu 2019 nominiart worra. Doo ìsch s’ Frànkrììch àn dr Viartelfinààla vu da USA gschlààga worra.

Ànna 2022 hàt sa zamma mit dr Nàzionààlmànnschàft àn dr Öiropàmaischterschàft ìm Anglànd gmàcht.[9] Doo hàt sa zem äärschta Mol àls lìnka-n-Üüssaschtìrmera gschpìelt.[10][11]

Weblìnks[ändere | Quälltäxt bearbeite]

 Commons: Delphine Cascarino – Sammlig vo Multimediadateie

Ainzelnoohwiisa[ändere | Quälltäxt bearbeite]

  1. Delphine Cascarino : “Ici, les coachs doivent être parfaits”. In: Planète Lyon. 20. Oktober 2019, abgruefen am 19. Juli 2022 (französisch).
  2. Equipe de France (F) : Les jumelles Estelle et Delphine Cascarino retenues par Corinne Diacre. In: L’Équipe. 9. Januar 2018, abgruefen am 19. Juli 2022 (französisch).
  3. Marion Saive: Delphine Cascarino la modeste, une affaire de famille. In: Le Progrès. 10. Juni 2019, abgruefen am 19. Juli 2022 (französisch).
  4. Meilleure joueuse de la finale de la Ligue des champions, Delphine Cascarino (OL) fait un don à une association lyonnaise. In: L’Équipe. 10. September 2020, abgruefen am 19. Juli 2022 (französisch).
  5. Delphine Cascarino (OL) offre 50 000 euros à Sport dans la Ville. In: Lyon Mag. 9. Oktober 2020, abgruefen am 19. Juli 2022 (französisch).
  6. Sy. D.: Delphine Cascarino prolonge jusqu'en 2024 avec l'Olympique Lyonnais. In: L’Équipe. 7. Mai 2021, abgruefen am 18. Juli 2022 (französisch).
  7. Coupe du monde U17 - Les tirs au but ont souri à la FRANCE. In: Footofeminin.fr. 4. Oktober 2012, abgruefen am 19. Juli 2022 (französisch).
  8. Feuille de match de France - Corée du Nord (1:1). (Nicht mehr online verfügbar.) FIFA, 13. Oktober 2012, archiviert vom Original am 4. März 2016; abgruefen am 19. Juli 2022 (französisch).
  9. Pierre Guyon: Équipe de France féminine. Découvrez la liste des 23 joueuses qui participeront à l’Euro 2022. In: Ouest-France. 30. Mai 2022, archiviert vom Original am 31. Mai 2022; abgruefen am 19. Juli 2022 (französisch).
  10. Matthieu Barberousse: Delphine Cascarino, à gauche toute. In: L’Équipe. 14. Juli 2022, abgruefen am 18. Juli 2022 (französisch).
  11. Nathan Gourdol: Avec les Bleues, Delphine Cascarino peine à trouver ses repères à gauche. In: L’Équipe. 27. Juni 2022, abgruefen am 18. Juli 2022 (französisch).
Dä Artikel basiert uff ere fräie Übersetzig vu dere Version vum Artikel „Delphine_Cascarino“ vu de französische Wikipedia. E Liste vu de Autore un Versione isch do z finde.